വാടാനപ്പള്ളിയിലെ സൂപ്പർമാർക്കറ്റിലും ബിജെപി കിറ്റുകൾ തയ്യാറാക്കി

APRIL 5, 2026, 3:13 AM

തൃശ്ശൂർ: തൃശ്ശൂർ ശിവരാമപുരത്തെ പ്രദേശവാസികൾക്ക് ബിജെപി കിറ്റ് വിതരണം നടത്തിയെന്ന ആരോപണത്തിന് പിന്നാലെ വാടാനപ്പള്ളിയിലും സമാന ആരോപണം.

കഴിഞ്ഞദിവസം ഒളരിയിൽ വോർട്ടർമാർക്ക് ബിജെപി ഭക്ഷ്യകിറ്റ് വിതരണം ചെയ്തെന്ന പരാതിയിൽ തൃശ്ശൂർ വെസ്റ്റ് പൊലീസ് കേസെടുത്തു.

ഏകദേശം 900 രൂപ വിലയുള്ള 26 കിറ്റുകളായിരുന്നു 'കാർത്തിക' സൂപ്പർമാർക്കറ്റ് വഴി വിതരണം ചെയ്തത്. അതേ മോഡലിലാണ് വാടാനപ്പള്ളിയിലും വോട്ടിന് കിറ്റാരോപണം വന്നിരിക്കുന്നത്.

വിതരണത്തിനായി വാടാനപ്പള്ളിയിലെ സൂപ്പർമാർക്കറ്റിൽ രണ്ടായിരത്തോളം കിറ്റുകൾ തയ്യാറാക്കുന്നുവെന്നാണ് പരാതി ഉയർന്നിരിക്കുന്നത്. സൂപ്പർമാർക്കറ്റിന് പുറത്ത് എൽഡിഎഫ്, യുഡിഎഫ് പ്രവർത്തകർ പ്രതിഷേധിക്കുകയാണ്.