-20251008060725.jpg)
ചെന്നൈ: ഭൂട്ടാന് വാഹനക്കടത്ത് കേസില് നടന് ദുല്ഖര് സൽമാന്റെ നിര്മ്മാണ കമ്പനിയായ വേഫെററിലേക്കും പരിശോധന വ്യാപിപ്പിച്ച് എന്ഫോഴ്സ്മെന്റ് ഡയറക്ട്രേറ്റ്. സൂപ്പര്ഹിറ്റുകളായ ലോക, കുറുപ്പ്, കിംഗ് ഓഫ് കൊത്ത സിനിമകൾ ഉള്പ്പെടെ നിര്മ്മിച്ചത് വേഫെറര് ഫിലിംസ് ആണ്.
എട്ട് ഉദ്യോഗസ്ഥര് ചെന്നൈ ഗ്രീന് റോഡിലെ ഓഫീസിലെത്തി. നിര്മ്മാണ കമ്പനിയുടെ സാമ്പത്തിക ഇടപാടുകള് പരിശോധിക്കുകയാണ്.
ദുല്ഖറിന്റെ കൊച്ചിയിലെ രണ്ട് വീട്ടിലും ചെന്നൈയിലെ ഒരു വീട്ടിലുമാണ് പരിശോധന. മമ്മൂട്ടി ഹൗസ് എന്ന് അറിയപ്പെടുന്ന മമ്മൂട്ടിയുടെ പഴയ വീട്ടിലും മമ്മൂട്ടി ഇപ്പോള് താമസിക്കുന്ന കടവന്ത്രയിലെ വീട്ടിലും റെയ്ഡ് നടക്കുകയാണ്. നിലവില് കടവന്ത്രയിലെ വീട്ടിലാണ് ദുല്ഖറും താമസിക്കുന്നത്.
ഇന്ന് രാവിലെ മമ്മൂട്ടി, പൃഥ്വിരാജ്, ദുല്ഖര് സല്മാന്, അമിത് ചക്കാലക്കല് എന്നിവരുടെ വീട്ടില് ഇ ഡി ഉദ്യോഗസ്ഥര് എത്തിയതിന് പിന്നാലെയാണ് നിര്മ്മാണ കമ്പനിയിലേക്കും പരിശോധന വ്യാപിപ്പിച്ചത്. ഒരേസമയം 17 ഇടങ്ങളിലാണ് ഇ ഡി ഉദ്യോഗസ്ഥര് എത്തിയത്.
നടന് അമിത് ചക്കാലക്കലിന്റെ വീട്ടിലും അഞ്ച് ജില്ലകളിലെ വാഹന ഡീലര്മാരുടെ വീടുകളിലും പരിശോധന വ്യാപിപ്പിച്ചിട്ടുണ്ട്. കോട്ടയം, തൃശൂര്, മലപ്പുറം, കോഴിക്കോട് ജില്ലകളിലും ചെന്നൈയിലും റെയ്ഡ് എന്നാണ് വിവരം.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
.jpg)
-20260302012446.jpeg)
-20250815021811.jpg)
-20260317124741.jpg)
-20260317122702.jfif)
1-20260317122055.jpg)
