കോഴിക്കോട് സൗത്ത് മണ്ഡലത്തിൽ ഡോ. എം.കെ. മുനീറിനെ സ്ഥാനാർത്ഥിയാക്കുന്നതിനെതിരെ മുസ്ലീം ലീഗിനുള്ളിൽ ഭിന്നത രൂക്ഷമാകുന്നു. നിലവിൽ കൊടുവള്ളി എം.എൽ.എയായ മുനീർ തന്റെ പഴയ തട്ടകമായ കോഴിക്കോട് സൗത്തിലേക്ക് മാറാൻ താൽപ്പര്യപ്പെട്ടതോടെയാണ് ഒരു വിഭാഗം പ്രവർത്തകർ രംഗത്തെത്തിയത്.
അദ്ദേഹത്തിന്റെ ആരോഗ്യസ്ഥിതി ചൂണ്ടിക്കാട്ടിയാണ് പ്രധാനമായും വിമർശനം ഉയരുന്നത്. കഴിഞ്ഞ സെപ്റ്റംബറിൽ ഹൃദയാഘാതത്തെ തുടർന്ന് അദ്ദേഹം ചികിത്സയിലായിരുന്നു. ശാരീരിക ബുദ്ധിമുട്ടുകൾ നിലനിൽക്കെ അദ്ദേഹം വീണ്ടും മത്സരരംഗത്തിറങ്ങുന്നത് ഉചിതമല്ലെന്നാണ് പാർട്ടിയിലെ ഒരു വിഭാഗത്തിന്റെ നിലപാട്.
ലീഗിന്റെ സൈബർ ഇടങ്ങളിലും മുനീറിനെതിരെ രൂക്ഷമായ പ്രതികരണങ്ങളാണ് വരുന്നത്. പുതിയ തലമുറയ്ക്ക് വഴിമാറിക്കൊടുക്കാൻ മുതിർന്ന നേതാക്കൾ തയ്യാറാകണമെന്ന വികാരമാണ് ലീഗ് അണികൾക്കിടയിലുള്ളത്. സ്ഥാനാർത്ഥിത്വത്തിൽ നിന്ന് മുനീർ സ്വയം മാറിനിൽക്കുമെന്ന് ലീഗ് നേതൃത്വം പ്രതീക്ഷിച്ചിരുന്നെങ്കിലും അദ്ദേഹം മത്സരസന്നദ്ധത അറിയിച്ചതോടെയാണ് കോഴിക്കോട് സൗത്തിലേക്ക് പരിഗണിക്കാൻ തീരുമാനിച്ചത്. എന്നാൽ, ഐ.എൻ.എല്ലിൽ നിന്ന് സീറ്റ് തിരിച്ചുപിടിക്കാൻ കൂടുതൽ കരുത്തനായ ഒരാൾ വേണമെന്ന വാദവും ഉയരുന്നുണ്ട്.
പാർട്ടിക്കുള്ളിലെ ഈ തർക്കം വരാനിരിക്കുന്ന തിരഞ്ഞെടുപ്പിൽ യു.ഡി.എഫിന്റെ വിജയസാധ്യതയെ ബാധിക്കുമോ എന്ന ആശങ്ക നേതൃത്വത്തിനുണ്ട്. സ്ഥാനാർത്ഥി പട്ടിക അന്തിമമാക്കുന്നതിന് മുൻപ് ഈ വിഷയത്തിൽ ഒരു സമവായമുണ്ടാക്കാൻ മുതിർന്ന നേതാക്കൾ ശ്രമിച്ചുവരികയാണ്.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
.jpg)
-20251026042405.jpg)
-20250714032027.jpeg)
-20250915082605.jpg)
1-20250610095618.jpg)
-20250828103640.jpg)
-20260315025346.jpg)
