കെ സുധാകരന്റെ സ്ഥാനാർത്ഥിത്വം: പ്രതികരണവുമായി ദീപാ ദാസ് മുൻഷി

MARCH 14, 2026, 1:48 AM

കാസർകോട്: കെ സുധാകരൻ്റെ കണ്ണൂരിലെ സ്ഥാനാർത്ഥിത്വവുമായി ബന്ധപ്പെട്ട ചർച്ചകളിൽ പ്രതികരണവുമായി എ.ഐ.സി.സി ജനറൽ സെക്രട്ടറി ദീപാ ദാസ് മുൻഷി.

സ്ഥാനാർത്ഥി നിർണ്ണയത്തിൽ പ്രവർത്തകരുടെയോ പിന്തുണയ്ക്കുന്നവരുടെയോ വികാരം മാത്രം പരിഗണിച്ചല്ല, മറിച്ച് പാർട്ടിയുടെ നയപരമായ തീരുമാനമാണ് അന്തിമമെന്ന് ദീപാ ദാസ് മുൻഷി ഓർമ്മിപ്പിച്ചു.

കെ. സുധാകരൻ വീണ്ടും കണ്ണൂരിൽ മത്സരിക്കണമെന്ന ആവശ്യം ശക്തമായി ഉയരുന്നതിനിടെയാണ് പാർട്ടിയുടെ സംസ്ഥാന ചുമതലയുള്ള നേതാവിൽ നിന്നുള്ള പ്രതികരണം.

നിലവിലുള്ള എം.പിമാർ വീണ്ടും മത്സരിക്കുന്ന കാര്യത്തിൽ കോൺഗ്രസ് പാർട്ടി ഇതുവരെ അന്തിമ തീരുമാനമെടുത്തിട്ടില്ലെന്ന് അവർ വ്യക്തമാക്കി.

സ്ഥാനാർത്ഥിത്വത്തിൽ താൽപ്പര്യം പ്രകടിപ്പിക്കാൻ സുധാകരന് അവകാശമുണ്ടെന്നും, എന്നാൽ നിലവിൽ ഇക്കാര്യത്തിൽ ഹൈക്കമാൻഡുമായി ഔദ്യോഗിക ചർച്ചകളൊന്നും നടന്നിട്ടില്ലെന്നും അവർ കൂട്ടിച്ചേർത്തു.