മുറിവിൽ പുഴുവരിച്ച അമ്മയെ ആശുപത്രിയിൽ ഉപേക്ഷിച്ച് മകൾ; ഞെട്ടിക്കുന്ന സംഭവം കൊല്ലത്ത്

APRIL 17, 2026, 12:38 AM

കൊല്ലം: ഗുരുതരമായ ആരോഗ്യപ്രശ്നങ്ങളിലായിരുന്ന അമ്മയെ ആശുപത്രിയിൽ ഉപേക്ഷിച്ച് മകൾ കടന്നുകളഞ്ഞതായി പരാതി. കലയെന്ന വയോധികയെയാണ് കൊല്ലം ജില്ലാ ആശുപത്രിയിൽ ഉപേക്ഷിച്ച നിലയിൽ കണ്ടെത്തിയത്.

നട്ടെല്ല് ശസ്ത്രക്രിയക്ക് വിധേയയായിരുന്ന കലയെ വേണ്ടവിധം പരിചരിക്കാതിരുന്നതായും, ഭക്ഷണം പോലും നൽകാതിരുന്നതായും ആണ് പുറത്തു വരുന്ന ആരോപണം. ശരീരത്തിലെ മുറിവുകളിൽ പുഴു വരിച്ച് ദുർഗന്ധം വമിക്കുന്ന അവസ്ഥയിലായിരുന്നു അവരെ ആശുപത്രിയിൽ എത്തിച്ചത്.

ആശുപത്രിയിൽ എത്തിച്ച ശേഷം താൻ മകളല്ലെന്ന് പറഞ്ഞാണ് യുവതി അവിടെ നിന്ന് മാറിനിന്നതെന്നും വിവരമുണ്ട്. ഗുരുതരാവസ്ഥയിലായിരുന്ന കലയെ പിന്നീട് പാരിപ്പള്ളി മെഡിക്കൽ കോളേജിലേക്ക് മാറ്റി ചികിത്സ തുടരുകയാണ് എന്നാണ് ലഭിക്കുന്ന റിപ്പോർട്ട്.