സണ്ണി ജോസഫ് വരാനിരിക്കുന്ന നിയമസഭാ തെരഞ്ഞെടുപ്പിൽ മത്സരിക്കുകയാണെങ്കിൽ, പകരം കെപിസിസി അധ്യക്ഷന്റെ ചുമതല ആർക്ക് നൽകുമെന്ന കാര്യത്തിൽ കോൺഗ്രസിൽ ആശയക്കുഴപ്പം തുടരുകയാണ്. തെരഞ്ഞെടുപ്പ് കഴിയുന്നതുവരെ താൽക്കാലിക ചുമതല മറ്റൊരു നേതാവിന് നൽകാനാണ് പാർട്ടിയുടെ ആലോചന.

പ്രവർത്തക സമിതി അംഗവും എംപിയുമായ കൊടിക്കുന്നിൽ സുരേഷ്, ബെന്നി ബഹനാൻ, എം കെ രാഘവൻ എന്നിവരാണ് നിലവിൽ പരിഗണനയിലുള്ള പ്രധാന പേരുകൾ. മുതിർന്ന നേതാക്കളെയാണ് പരിഗണിക്കുന്നതെങ്കിൽ കെ സി ജോസഫ്, പി ജെ കുര്യൻ എന്നിവരുടെ പേരുകളും പട്ടികയിലുണ്ട്.

ഇതിനിടെ, ഷാഫി പറമ്പിൽ മത്സരിക്കണമെന്നാവശ്യപ്പെട്ട് സോഷ്യൽ മീഡിയയിൽ ശക്തമായ ക്യാമ്പയിൻ നടക്കുന്നത് ഹൈക്കമാൻഡിനെ തീരുമാനമെടുക്കുന്നതിൽ കൂടുതൽ കുഴപ്പിക്കുന്നുണ്ട്.

കേരളത്തിലെ നിലവിലെ രാഷ്ട്രീയ സാഹചര്യം യുഡിഎഫിന് അനുകൂലമാണെന്നാണ് ഹൈക്കമാൻഡിന്റെയും നേതാക്കളുടെയും വിലയിരുത്തൽ. ഭരണം ലഭിക്കുകയാണെങ്കിൽ, ഇപ്പോൾ നിയമിക്കുന്ന താൽക്കാലിക അധ്യക്ഷൻ പിന്നീട് സ്ഥിര അധ്യക്ഷനായേക്കുമെന്ന കണക്കുകൂട്ടലിലാണ് നേതാക്കൾ.

2011-ൽ രമേശ് ചെന്നിത്തല മത്സരിച്ചപ്പോൾ തലേക്കുന്നിൽ ബഷീറിനെയും, 2024-ൽ കെ സുധാകരൻ മത്സരിച്ചപ്പോൾ എം എം ഹസ്സനെയും താൽക്കാലിക അധ്യക്ഷന്മാരായി നിയമിച്ച മുൻ മാതൃകകൾ പാർട്ടിക്ക് മുന്നിലുണ്ട്.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്