കൊച്ചി: കേരള സ്റ്റോറി2വിനെതിരെ പൊലീസില് പരാതി നല്കി യൂത്ത് കോണ്ഗ്രസ് നേതാവ്. മതസ്പർദ്ധ വളർത്താൻ ശ്രമിക്കുന്നുവെന്ന് ചൂണ്ടിക്കാട്ടിയാണ് പരാതി നൽകിയിരിക്കുന്നത്.
സിനിമയില് ഇല്ലാത്ത രംഗം ട്രെയിലറില് ഉള്പ്പെടുത്തിയെന്നും കേരളത്തില് മതസ്പര്ദ്ധ വളർത്താനാണ് സിനിമയുടെ അണിയറ പ്രവര്ത്തകര് ശ്രമിച്ചതെന്നും പരാതിയില് പറയുന്നു.
മുവാറ്റുപുഴ പൊലീസ് സ്റ്റേഷനിലാണ് യൂത്ത് കോണ്ഗ്രസ് സംസ്ഥാന ജനറല് സെക്രട്ടറി അഡ്വ. ആബിദ് അലി പരാതി നല്കിയത്.
സിനിമയില് മുസ്ലിം മതവിഭാഗത്തെ അപകീര്ത്തിപ്പെടുത്തുന്ന നിരവധി സംഭാഷണങ്ങള് ഉള്പ്പെടുത്തിയിട്ടുണ്ട്. മതവിദ്വേഷം പടര്ത്തുന്ന ചിത്രം ആരംഭിക്കുന്നതിന് മുന്പ് നിരവധി യഥാര്ത്ഥ സംഭവത്തെ അടിസ്ഥാനപ്പെടുത്തിയുള്ള സിനിമ എന്ന് എഴുതി കാണിക്കുന്നുവെന്നും പരാതിയില് വ്യക്തമാക്കിയിട്ടുണ്ട്. കേരളത്തില് നിന്നുള്ള മൂന്ന് പെണ്കുട്ടികളുടെ കഥ എന്ന രീതിയിലാണ് ചിത്രം മുന്നോട്ട് പോകുന്നത്.
ഒരു മുസ്ലിം യുവാവ് ഹിന്ദു പെണ്കുട്ടിയെ വിവാഹം ചെയ്ത് അവരുടെ വികാരങ്ങള് വൃണപ്പെടുത്തുന്നതായും ചിത്രത്തില് കാണിക്കുന്നു. ഇന്ത്യയിലെ അവിവാഹിതരായ 85 ദശലക്ഷം പെണ്കുട്ടികളെ മുസ്ലിം യുവാക്കള് വിവാഹം ചെയ്ത് മതം മാറ്റുന്നതായും ടീസറില് കാണിക്കുന്നു. ഇത് പ്രേക്ഷകരെ തെറ്റിദ്ധരിപ്പിക്കുന്നതാണെന്നും ആബിദ് നല്കിയ പരാതിയില് ചൂണ്ടിക്കാണിച്ചു.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
.jpg)
-20260320123003.jfif)
1-20260320114535.jpg)
1-20260320112246.jpg)
