വോട്ട് രേഖപ്പെടുത്തി മുഖ്യമന്ത്രി പിണറായി വിജയൻ

APRIL 8, 2026, 11:15 PM

കണ്ണൂർ: കുടുംബത്തിനും നേതാക്കള്‍ക്കും ഒപ്പം വോട്ട് ചെയ്യാനെത്തി മുഖ്യമന്ത്രി പിണറായി വിജയൻ.കേരളത്തിന്റെ ഭാവി നിർണയിക്കുന്ന വോട്ടെടുപ്പെന്ന് മുഖ്യമന്ത്രി പിണറായി വിജയൻ പറഞ്ഞു. വികസനത്തിന് ഇടവേള ഉണ്ടാകരുതെന്നും വികസന തുടർച്ചയ്ക്ക് എൽഡിഎഫ് വരണമെന്നും മുഖ്യമന്ത്രി കൂട്ടിച്ചേർത്തു.ആർ സി അമല സ്കൂളിൽ വോട്ട് രേഖപ്പെടുത്തിയതിന് ശേഷം മാധ്യമങ്ങളോട് സംസാരിക്കുകയായിരുന്നു അദ്ദേഹം.

അതേസമയം, എൽഡിഎഫ് വൻവിജയം നേടുമെന്ന് എം ബി രാജേഷ് പ്രതികരിച്ചു.യുഡിഎഫിനെ ഭരണമേൽപ്പിക്കുന്ന കാര്യം ആലോചിക്കാൻ പോലും കേരളത്തിലെ ജനങ്ങൾക്ക് കഴിയില്ല. തുടക്കം മുതലേ താൻ പറഞ്ഞിരുന്നുവെന്നും തൃത്താല കംഫർട്ടബിൾ ആയി ജയിക്കുമെന്നും എം ബി രാജേഷ് കൂട്ടിച്ചേർത്തു.