ഉമ്മൻ ചാണ്ടിയുടെ ചിത്രമുള്ള വസ്ത്രമണിഞ്ഞ് സത്യപ്രതിജ്ഞ ചെയ്ത് ചാണ്ടി ഉമ്മൻ

MAY 20, 2026, 11:59 PM

തിരുവനന്തപുരം: പതിനാറാം കേരള നിയമസഭയിലെ അംഗമായി ചാണ്ടി ഉമ്മൻ സത്യപ്രതിജ്ഞ ചെയ്തു. പിതാവും മുൻ മുഖ്യമന്ത്രിയുമായ ഉമ്മൻ ചാണ്ടിയുടെ ചിത്രം പതിപ്പിച്ച പ്രത്യേക വസ്ത്രമണിഞ്ഞായിരുന്നു ചാണ്ടി ഉമ്മൻ സഭയിലെത്തിയത്.

സത്യപ്രതിജ്ഞ ചടങ്ങിനിടെ ചാണ്ടി ഉമ്മന്റെ വേഷം സഭയുടെയും രാഷ്ട്രീയ വൃത്തങ്ങളുടെയും ശ്രദ്ധ നേടി. ഉമ്മൻ ചാണ്ടിയോടുള്ള സ്നേഹവും ആദരവും പ്രകടിപ്പിക്കുന്ന തരത്തിലായിരുന്നു വസ്ത്രത്തിലെ ചിത്രം. പുതുപ്പള്ളിയിൽ നിന്നാണ് ചാണ്ടി ഉമ്മൻ നിയമസഭയിലേക്ക് തെരഞ്ഞെടുക്കപ്പെട്ടത്.

അതേസമയം രാവിലെ 9 മണിക്കാണ് നിയമസഭയിൽ ചടങ്ങുകൾ തുടങ്ങിയത്. പ്രോടേം സ്പീക്കറായ ജി. സുധാകരൻ പുതിയ അംഗങ്ങൾക്ക് സത്യവാചകം ചൊല്ലിക്കൊടുത്തു. അക്ഷരമാലാക്രമത്തിലാണ് എംഎൽഎമാരുടെ സത്യപ്രതിജ്ഞ പുരോഗമിക്കുന്നത്.