കോഴിക്കോട്: പുതിയങ്ങാടിയില്‍ പ്രതിശ്രുത വരനും വധുവിനും നേരെ ആക്രമണം നടത്തിയ യുവാവ് പിടിയില്‍. കുണ്ടുപറമ്ബ് സ്വദേശി നിഖില്‍ എസ്.നായരാണ് എലത്തൂർ പോലീസിന്‍റെ പിടിയിലായത്.

ഞായറാഴ്ച വൈകുന്നേരമായിരുന്നു സംഭവം. പുതിയങ്ങാടി പമ്ബില്‍ പെട്രോള്‍ അടിക്കാൻ നിർത്തിയപ്പോഴായിരുന്നു ആക്രമണം.

ബൈക്കിന്‍റെ പിന്നിലിരുന്ന യുവതിയോട് നിഖില്‍ ലൈംഗികചേഷ്ട കാണിച്ചു. ഇത് ചോദ്യം ചെയ്ത യുവാവിനെ ആയുധം വച്ച്‌ അടിക്കുകയും മുഖത്ത് തലകൊണ്ട് ഇടിക്കുകയും ചെയ്തു.

സംഭവത്തില്‍ യുവാവിന്‍റെയും യുവതിയുടേയും പരാതിയില്‍ ഞായറാഴ്ച തന്നെ പ്രതിയെ പിടികൂടുകയായിരുന്നു. വൈദ്യ പരിശോധനയ്ക്കിടെ നിഖില്‍ പെണ്‍കുട്ടിയുടെ ബന്ധുക്കളെ ഭീഷണി മുഴക്കിയതായും പരാതിയുണ്ട്. പ്രതി മുമ്ബും വിവിധ കേസുകളില്‍ പ്രതിയാണെന്ന് പോലീസ് പറഞ്ഞു.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്