തെരഞ്ഞെടുപ്പിൽ ഒരു ഡസൻ മന്ത്രിമാർ തോൽക്കും, മന്ത്രിമാർക്കെതിരെ ശക്തമായ വികാരം: വി.ഡി. സതീശൻ

APRIL 5, 2026, 3:40 AM

എറണാകുളം: നിയമസഭാ തെരഞ്ഞെടുപ്പിൽ ഒരു ഡസൻ മന്ത്രിമാർ തോൽക്കുമെന്ന് പ്രതിപക്ഷ നേതാവ് വി.ഡി. സതീശൻ പറഞ്ഞു. മന്ത്രിമാർക്കെതിരെ ശക്തമായ വികാരമുണ്ടെന്നും വി.ഡി. സതീശൻ കൂട്ടിച്ചേർത്തു.

അതേസമയം, തിരുവനന്തപുരം, കൊല്ലം തുടങ്ങിയ ജില്ലകളിൽ യുഡിഎഫിന് എത്ര സീറ്റ് ലഭിക്കുമെന്ന പ്രവചനവും വി.ഡി. സതീശൻ നടത്തി. തിരുവനന്തപുരത്ത് യുഡിഎഫിന് എട്ട് സീറ്റ് ലഭിക്കും. കൊല്ലത്ത് ഏഴ് മുതൽ എട്ട് വരെ സീറ്റ് നേടും. കോഴിക്കോട് വലിയ മാറ്റങ്ങൾ സംഭവിച്ചിട്ടുണ്ട്.

കാസർകോഡ് നിന്ന് എറണാകുളത്തേക്ക് വോട്ടെണ്ണി എത്തുമ്പോഴേക്കും യുഡിഎഫിന് ഭൂരിപക്ഷം ലഭിക്കും. 100 അധികം സീറ്റുകൾ എന്നത് ഉറപ്പാണെന്നും അദ്ദേഹം പറഞ്ഞു.കൂടാതെ, പോളിംഗ് കഴിയുമ്പോൾ ഒന്ന് കൂടെ കൃത്യമായി പറയാമെന്നും പ്രതിപക്ഷ നേതാവ് പ്രതികരിച്ചു.