-20201011031104.jpg)
കുമളി: വയോധികനെ വീടിനുള്ളില് മരിച്ച നിലയില് കണ്ടെത്തിയ സംഭവത്തില് വൻ വഴിത്തിരിവ്. ഞായറാഴ്ച്ച ഉച്ചകഴിഞ്ഞാണ് വണ്ടിപ്പെരിയാര് കന്നിമാര്ചോല പുതുപ്പറമ്പില് മോഹനനെ (65) വീടിനുള്ളില് മരിച്ച നിലയില് കണ്ടെത്തിയത്.
അതേസമയം ഇദ്ദേഹത്തിന്റെ മരണം കൊലപാതകമാണെന്ന് കണ്ടെത്തിയതിനു പിന്നാലെ ഇയാളുടെ മകന് വിഷ്ണു (26) വിനെ പൊലീസ് അറസ്റ്റ് ചെയ്തു എന്നാണ് ലഭിക്കുന്ന വിവരം. ഞായറാഴ്ച്ചയാണ് കൊലപാതകം നടന്നത്.
മദ്യലഹരിയില് വിഷ്ണു വീട്ടിലെത്തുകയും ബൈക്കിന്റെ സി.സി അടക്കുന്നതുമായി ബന്ധപ്പെട്ട് ഇരുവരും തമ്മില് തര്ക്കം ഉണ്ടാവുകയുമായിരുന്നു എന്നാണ് ലഭിക്കുന്ന വിവരം. തുടർന്ന് വിഷ്ണുവിന്റെ അമ്മ കുമാരി ഇരുവരും തമ്മിലുള്ള വഴക്ക് തീര്ത്ത ശേഷം കുളിക്കാനായി പോയി. അമ്മ തിരികെ എത്തിയപ്പോള് മോഹനന് അനക്കമില്ലാതെ കിടക്കുന്നതാണ് കണ്ടത്. വഴക്കിനിടയില് അച്ഛന് വീണു എന്നും അനക്കമില്ല എന്നും അമ്മയോട് വിഷ്ണു പറഞ്ഞതിനെ തുടര്ന്ന് ഇവര് നാട്ടുകാരെ വിളിച്ചു വരുത്തി.
തുടർന്ന് മോഹനന്റെ മകള് ധന്യയും ഭര്ത്താവും എത്തി മോഹനനെ ആശുപത്രിയില്കൊണ്ടുപോകാന് ശ്രമിച്ചെങ്കിലും വിഷ്ണു തടഞ്ഞു. മോഹനനെ കിടത്തിയിരുന്ന കട്ടിലിന് താഴെ രക്തം വാര്ന്നത് തുണിയിട്ട് മൂടിയിരിക്കുന്നത് കണ്ട നാട്ടുകാര് വണ്ടിപ്പെരിയാര് പൊലീസില് അറിയിക്കുകയായിരുന്നു. തുടർന്ന് നടത്തിയ അന്വേഷണത്തിൽ ആണ് വിഷ്ണു ആണ് കൊലപാതകം ചെയ്തത് എന്ന് കണ്ടെത്തിയത്.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
.jpg)
-20250815021811.jpg)
-20260317124741.jpg)
-20260317122702.jfif)
1-20260317122055.jpg)
