റിട്ടയേർഡ് ജഡ്‌ജിയെ വിർച്വൽ അറസ്റ്റിലാക്കി 2.5 കോടി തട്ടി: പ്രധാന സംഘാംഗം കൊച്ചിയിൽ നിന്ന് അറസ്റ്റിലായി

OCTOBER 20, 2026, 1:37 AM

കൊച്ചി: രാജസ്ഥാനിൽ വിരമിച്ച ജഡ്‌ജിയിൽ നിന്ന് വെർച്വൽ അറസ്റ്റ് ഭീഷണിയിലൂടെ 2.5 കോടി രൂപ തട്ടിയെടുത്ത കേസിൽ പ്രധാന സംഘാംഗം കൊച്ചിയിൽ അറസ്റ്റിലായി.

പുൽവാമ ഭീകരാക്രമണവുമായി ബന്ധപ്പെട്ട ഹവാല ഇടപാടുകളിൽ പങ്കുണ്ടെന്ന് ആരോപിച്ചായിരുന്നു പ്രതികൾ രാജസ്ഥാനിലെ റിട്ടയേർഡ് ജഡ്‌ജിയെ ഡിജിറ്റൽ അറസ്റ്റ് ഭീഷണിയിലാക്കി തട്ടിപ്പ് നടത്തിയത്. എറണാകുളം സെൻട്രൽ എ.സി.പി സിബി ടോമിന്റെ നേതൃത്വത്തിലുള്ള അന്വേഷണ സംഘം രാജസ്ഥാൻ പൊലീസും ചേർന്ന് വരാപ്പുഴയിൽ നടത്തിയ തിരച്ചിലിലാണ് പ്രതി വലയിലായത്.

വരാപ്പുഴ മണ്ണാംതുരുത്ത് ചിറ്റേത്ത് വീട്ടിൽ ആനന്ദ് ബാബുവിനെ (32) ആണ് രാജസ്ഥാൻ പൊലീസും കൊച്ചി സിറ്റി പൊലീസും ചേർന്ന് വരാപ്പുഴയിൽ നിന്ന് പിടികൂടിയത്.