സംരക്ഷിത സ്മാരകങ്ങളുടെ പട്ടിക: 18 സ്മാരകങ്ങളെ നീക്കം ചെയ്തു പുരാവസ്തു വകുപ്പ്

MARCH 25, 2024, 9:02 AM

ഡൽഹി: രാജ്യത്തെ സംരക്ഷിത സ്മാരകങ്ങളുടെ പട്ടികയിൽ നിന്ന് 18 സ്മാരകങ്ങൾ നീക്കം ചെയ്യാൻ പുരാവസ്തു വകുപ്പ് തീരുമാനം. ദേശീയ പ്രാധാന്യമില്ലാത്ത സ്മാരകങ്ങളെ ഒഴിവാക്കിയതായാണ് എഎസ്ഐയുടെ പ്രതികരണം.

കേന്ദ്ര സാംസ്കാരിക മന്ത്രാലയം കഴിഞ്ഞ വർഷം പാർലമെൻ്ററി കമ്മിറ്റിക്ക് സമർപ്പിച്ച 24 "കണ്ടെത്താനാവാത്ത" സ്മാരകങ്ങളുടെ പട്ടികയില്‍ നിന്നാണ് ഒഴിവാക്കപ്പെടുന്ന സ്മാരകങ്ങളുടെ ലിസ്റ്റ് തയ്യാറാക്കിയത്.

ഹരിയാനയിലെ മുജേസർ ഗ്രാമത്തിലെ കോസ് മിനാർ നമ്ബർ 13 ഉള്‍പ്പെടെയുള്ള സ്മാരകങ്ങള്‍ പട്ടികയില്‍ നിന്ന് ഒഴിവാക്കപ്പെടുന്നു, ഡല്‍ഹിയിലെ ബാരാ ഖംബ സെമിത്തേരി, ഝാൻസിയിലെ റംഗൂണിലെ ഗണ്ണർ ബർക്കിലിന്റെ ശവകുടീരം. ലഖ്നൗവിലെ ഗൗഘട്ടിലെ സെമിത്തേരി, ഉത്തർപ്രദേശിലെ വാരണാസിയിലെ വിജനമായ ഒരു ഗ്രാമത്തിന്റെ ഭാഗമായ ടെലിയ നള ബുദ്ധ അവശിഷ്ടങ്ങളും ഒഴിവാക്കപ്പെടുന്ന സ്മാരകങ്ങളില്‍ ഉള്‍പ്പെടുന്നു.

സ്മാരകങ്ങള്‍ ഡീലിസ്റ്റ് ചെയ്യുന്നത് അർത്ഥമാക്കുന്നത്, അവ സംരക്ഷിക്കാൻ കേന്ദ്ര ഏജൻസിക്ക് ഒരു ബാധ്യതയുമില്ല എന്നതാണ്.

നിലവില്‍, എഎസ്‌ഐ യുടെ പരിധിയില്‍ 3,693 സ്മാരകങ്ങളാണുള്ളത്. നിലവില്‍ ലിസ്റ്റ് ചെയ്യപ്പെട്ടിരിക്കുന്ന സ്മാരകങ്ങള്‍ ഒഴിവാക്കപ്പെടുന്നതോടെ അത് 3,675 ആയി കുറയും.