അവതരിപ്പിക്കാൻ സാധ്യതയുള്ള പ്രധാന ബില്ലുകൾ ഇവയാണ്:

1. ആണവോർജ്ജ ബിൽ 2025 (Atomic Energy Bill, 2025): ആണവോർജ്ജ മേഖലയിൽ സ്വകാര്യ നിക്ഷേപകരെ അനുവദിക്കുന്നതിനുള്ള വ്യവസ്ഥകൾ ഈ ബില്ലിൽ ഉൾപ്പെടുത്തും. ഇത് ഫോസിൽ ഇന്ധനങ്ങളെ ആശ്രയിക്കുന്നത് കുറയ്ക്കുന്നതിനും ആണവോർജ്ജ ഉത്പാദനം വർദ്ധിപ്പിക്കുന്നതിനും സഹായിക്കും.

   ഇൻഷുറൻസ് നിയമ ഭേദഗതി ബിൽ 2025 (Insurance Laws (Amendment) Bill, 2025): ഇൻഷുറൻസ് മേഖലയിലെ വിദേശ നിക്ഷേപ പരിധി (FDI) 74 ശതമാനത്തിൽ നിന്ന് 100 ശതമാനമായി ഉയർത്തുന്നതിനുള്ള നിർദ്ദേശങ്ങൾ ഈ ബില്ലിൽ ഉണ്ടായേക്കും. മേഖലയുടെ വളർച്ച ത്വരിതപ്പെടുത്താനും കൂടുതൽ ആഗോള മൂലധനം ആകർഷിക്കാനും ഇത് ലക്ഷ്യമിടുന്നു.

   

   

   

   

   

   
   
   

   ഇൻസോൾവൻസി ആൻഡ് ബാങ്ക്രപ്‌സി കോഡ് ഭേദഗതി ബിൽ 2025 (IBC Amendment Bill, 2025): ഇൻസോൾവൻസി കേസുകളുടെ തീർപ്പാക്കൽ നടപടികൾ വേഗത്തിലാക്കുന്നതിനും വായ്പ നൽകുന്നവരുടെ അവകാശങ്ങൾ ശക്തിപ്പെടുത്തുന്നതിനും വേണ്ടിയുള്ള ഭേദഗതികൾ ഇതിൽ ഉൾപ്പെടും.

   സെക്യൂരിറ്റീസ് മാർക്കറ്റ് കോഡ് ബിൽ 2025 (Securities Markets Code Bill, 2025): മൂലധന വിപണിയെ നിയന്ത്രിക്കുന്ന വിവിധ നിയമങ്ങളെ (സെബി ആക്ട് ഉൾപ്പെടെ) ഏകീകരിച്ച് ഒറ്റ ചട്ടക്കൂടിലേക്ക് കൊണ്ടുവരാനാണ് ഈ ബിൽ ലക്ഷ്യമിടുന്നത്. ഇത് സാമ്പത്തിക വിപണിയിലെ നിയമങ്ങൾ ലളിതമാക്കും

   ഉന്നത വിദ്യാഭ്യാസ കമ്മീഷൻ ഓഫ് ഇന്ത്യ ബിൽ 2025 (HECI Bill, 2025): ദേശീയ വിദ്യാഭ്യാസ നയത്തിന്റെ (NEP) ഭാഗമായി, ഉന്നത വിദ്യാഭ്യാസ മേഖലയിൽ ഒറ്റ റെഗുലേറ്ററി സംവിധാനം സ്ഥാപിക്കുന്നതിനുള്ള ബില്ലും ഈ സമ്മേളനത്തിൽ പരിഗണിക്കാൻ സാധ്യതയുണ്ട്.

   

   

   

   

   

   
   ഇതുകൂടാതെ, ദേശീയപാതകളുടെ ഭൂമി ഏറ്റെടുക്കൽ നടപടികൾ വേഗത്തിലാക്കുന്നതിനുള്ള ഭേദഗതികളും ഈ സമ്മേളനത്തിന്റെ അജണ്ടയിൽ ഉൾപ്പെടുന്നുണ്ട്.