മുംബൈയിൽ കനത്ത മഴ; ജനജീവിതം സ്തംഭിച്ചു, ട്രെയിൻ-റോഡ്-വ്യോമഗതാഗതം താളംതെറ്റി

AUGUST 11, 2026, 2:30 AM

മുംബൈ: ദിവസങ്ങളായി തുടരുന്ന കനത്ത മഴയിൽ മുംബൈയിൽ ജനജീവിതം സ്തംഭിച്ചു. പ്രതികൂല കാലാവസ്ഥയെ തുടർന്ന് റോഡ്, റെയിൽ, വ്യോമഗതാഗതം താളംതെറ്റി. നഗരത്തിന്റെ വിവിധ ഭാഗങ്ങളിൽ തുടർച്ചയായ മഴയെ തുടർന്ന് വെള്ളക്കെട്ടും രൂക്ഷമായി.

മഴ ശക്തമായതോടെ പ്രധാന റോഡുകളിൽ ഗതാഗതക്കുരുക്ക് അനുഭവപ്പെട്ടു. താഴ്ന്ന പ്രദേശങ്ങളിൽ വെള്ളം കയറിയതോടെ യാത്രക്കാരും വാഹനങ്ങളും ഏറെ ബുദ്ധിമുട്ടിലായി. സംസ്ഥാനത്തിന്റെ വിവിധ ഭാഗങ്ങളിലും ഇന്നലെ മഴ ശക്തമായിരുന്നു. 11.69 മില്ലിമീറ്റർ മഴയാണ് ഇന്നലെ രേഖപ്പെടുത്തിയതെന്നാണ് വിവരം.

റെയിൽവേ പാതകളിൽ വെള്ളം കയറിയതിനെ തുടർന്ന് നിരവധി ട്രെയിൻ സർവീസുകൾ റദ്ദാക്കിയതായി റെയിൽവേ അറിയിച്ചു. ഹാർബർ, സെൻട്രൽ ലൈനുകളിലെ ലോക്കൽ ട്രെയിൻ സർവീസുകൾ വൈകിയാണ് ഓടുന്നത്. മഴയും വെള്ളക്കെട്ടും മൂലം യാത്രാ സമയം വർധിച്ചതോടെ റെയിൽവേ സ്റ്റേഷനുകളിലും വലിയ തിരക്കാണ് അനുഭവപ്പെടുന്നത്.

സ്പൈസ് ജെറ്റിന്റെ മുന്നറിയിപ്പ്

മോശം കാലാവസ്ഥയെ തുടർന്ന് വിമാന സർവീസുകളെയും മഴ ബാധിച്ചു. സ്പൈസ് ജെറ്റിന്റെ നിരവധി സർവീസുകൾ റദ്ദാക്കുകയും ചില വിമാനങ്ങൾ വഴിതിരിച്ചുവിടുകയും ചെയ്തതായി വിമാനക്കമ്പനി അറിയിച്ചു.

യാത്രക്കാർ പുറപ്പെടുന്നതിന് മുമ്പ് വിമാനത്തിന്റെ സ്റ്റാറ്റസ് പരിശോധിക്കണമെന്ന് സ്പൈസ് ജെറ്റ് നിർദേശിച്ചു. കനത്ത ഗതാഗതക്കുരുക്കിന് സാധ്യതയുള്ളതിനാൽ വിമാനത്താവളത്തിലേക്ക് സാധാരണയേക്കാൾ നേരത്തെ പുറപ്പെടണമെന്നും യാത്രക്കാർക്ക് മുന്നറിയിപ്പ് നൽകി.

വിമാന സർവീസുകളുമായി ബന്ധപ്പെട്ട തത്സമയ വിവരങ്ങൾ അറിയാൻ വിമാനക്കമ്പനികളുടെ ഔദ്യോഗിക സോഷ്യൽ മീഡിയ അക്കൗണ്ടുകളും മറ്റ് ഔദ്യോഗിക വിവരമാർഗങ്ങളും പരിശോധിക്കണമെന്നും നിർദേശമുണ്ട്.

തുടർച്ചയായ മഴയുടെ പശ്ചാത്തലത്തിൽ മുംബൈയിലെ റോഡ്, റെയിൽ, വ്യോമഗതാഗത മേഖലകളിൽ സ്ഥിതിഗതികൾ നിരീക്ഷിച്ചുവരികയാണ്. പ്രതികൂല കാലാവസ്ഥ തുടരുന്ന സാഹചര്യത്തിൽ യാത്രക്കാർ ജാഗ്രത പാലി