ഭീകരാക്രമണത്തിന് പിന്നാലെ മുഖ്യമന്ത്രിമാരെ നേരില്‍ വിളിച്ച് സംസാരിച്ചു അമിത് ഷാ; പറഞ്ഞത് ഈ ഒരൊറ്റ കാര്യം

APRIL 25, 2025, 5:08 AM

ഡല്‍ഹി: പാകിസ്ഥാനെതിരെ ആഞ്ഞടിക്കാൻ ഒരുങ്ങുകയാണ് ഇന്ത്യ. നയതന്ത്രതലത്തില്‍ നടപടികള്‍ ഇതിനോടകം ആരംഭിച്ചു കഴിഞ്ഞു. ഇതിന് പിന്നാലെ എല്ലാ സംസ്ഥാനങ്ങളിലെയും മുഖ്യമന്ത്രിമാരെ നേരില്‍ വിളിച്ച് സംസാരിച്ചു ആഭ്യന്തരമന്ത്രി അമിത് ഷാ.

രാജ്യം വിടുന്നതിന് നിശ്ചയിച്ചിരിക്കുന്ന സമയപരിധി കഴിഞ്ഞിട്ടും ഒരു പാകിസ്ഥാനിയും ഇന്ത്യയില്‍ തങ്ങില്ലെന്ന് ഉറപ്പുവരുത്തണമെന്നാണ് അദ്ദേഹം മുഖ്യമന്ത്രിമാരോട് ആവശ്യപ്പെട്ടതെന്നാണ് കേന്ദ്രസര്‍ക്കാര്‍ വൃത്തങ്ങളിൽ നിന്നും ലഭിക്കുന്ന വിവരം.

അതേസമയം പഹല്‍ഗാമില്‍ കഴിഞ്ഞ ചൊവ്വാഴ്ചയുണ്ടായ ഭീകരാക്രമണത്തില്‍ 26 പേര്‍ കൊല്ലപ്പെട്ടതിന് പിന്നാലെ ഏപ്രില്‍ 27 മുതല്‍ പാക് പൗരന്‍മാരുടെ വിസ റദ്ദാക്കുന്നതായും രാജ്യത്തുള്ള പാകിസ്ഥാനികൾ എത്രയും വേഗം മടങ്ങണമെന്ന് വ്യക്തമാക്കുകയും ചെയ്തിരുന്നു.