ജിദ്ദ: റഷ്യയുമായുള്ള യുദ്ധത്തില്‍ 30 ദിവസത്തെ വെടിനിര്‍ത്തലിന് തയ്യാറാണെന്ന് ഉക്രെയ്ന്‍ യുഎസിനെ അറിയിച്ചു. ജിദ്ദയില്‍ സൗദി അറേബ്യയുടെ മധ്യസ്ഥതയില്‍ യുഎസും ഉക്രെയ്‌നും നടത്തിയ ചര്‍ച്ചയിലാണ് പുരോഗതി ദൃശ്യമായത്. ഇതിന്റെ പശ്ചാത്തലത്തില്‍ ഡൊണാള്‍ഡ് ട്രംപ് ഭരണകൂടം ഉക്രെയ്‌നുമായി സൈനിക രഹസ്യാന്വേഷണ വിവരങ്ങള്‍ പങ്കിടുന്നത് പുനരാരംഭിക്കാന്‍ സമ്മതിച്ചു.

'മേശപ്പുറത്തുള്ളത് എന്താണെന്ന്' യുഎസ് റഷ്യയോട് പറയുമെന്ന് ചര്‍ച്ചയില്‍ പങ്കെടുത്ത് യുഎസ് സ്‌റ്റേറ്റ് സെക്രട്ടറി മാര്‍ക്കോ റൂബിയോ പറഞ്ഞു. വെടിവെപ്പ് നിര്‍ത്തി സംസാരിക്കാന്‍ ഉക്രെയ്ന്‍ തയ്യാറാണെന്നും അദ്ദേഹം കൂട്ടിച്ചേര്‍ത്തു. ഇനി അതെ അല്ലെങ്കില്‍ ഇല്ല എന്ന് പറയേണ്ടത് റഷ്യയാണെന്ന് അദ്ദേഹം കൂട്ടിച്ചേര്‍ത്തു.

പ്രസിഡന്റ് ഡൊണാള്‍ഡ് ട്രംപിന്റെ 'സമാധാനത്തിനായുള്ള' ദര്‍ശനം അവര്‍ പങ്കിടുന്നു എന്ന് ഉക്രെയ്ന്‍ പ്രതിനിധി സംഘം വ്യക്തമാക്കിയെന്ന് യുഎസ് ദേശീയ സുരക്ഷാ ഉപദേഷ്ടാവ് മൈക്ക് വാള്‍ട്ട്‌സ് പറഞ്ഞു.

ദീര്‍ഘകാല സുരക്ഷാ ഗ്യാരണ്ടികള്‍ ഉള്‍പ്പെടെ, ഉക്രെയ്ന്‍ ഉദ്യോഗസ്ഥര്‍ 'ഈ യുദ്ധം എങ്ങനെ ശാശ്വതമായി അവസാനിക്കും എന്നതിനെക്കുറിച്ചുള്ള കാര്യമായ വിശദാംശങ്ങളിലേക്ക് കടന്നു' എന്ന് വാള്‍ട്ട്‌സ് പറഞ്ഞു.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്