' ഗെയിം ഓഫ് ത്രോൺസ്' ആരാധകർക്ക് ആവേശം പകർന്ന് പുതിയ വാർത്ത എത്തുന്നു. ജനപ്രിയ വെബ് സീരീസായ ഗെയിം ഓഫ് ത്രോൺസ് ലോകം ഇനി ബിഗ് സ്ക്രീനിലേക്ക് പ്രവേശിക്കുകയാണ്. ഫ്രാഞ്ചൈസിയിലെ ആദ്യ ഔദ്യോഗിക ചിത്രം 'ഗെയിം ഓഫ് ത്രോൺസ്: ഈഗൺസ് കോൺക്വസ്റ്റ്' (Game of Thrones: Aegon’s Conquest) 2029 ജൂൺ 6-ന് തീയേറ്ററുകളിൽ റിലീസ് ചെയ്യുമെന്ന് വാർണർ ബ്രോസ് ഔദ്യോഗികമായി പ്രഖ്യാപിച്ചു.
പ്രസിദ്ധമായ ഒറിജിനൽ പരമ്പരയിലെ സംഭവവികാസങ്ങൾക്ക് നൂറ്റാണ്ടുകൾക്ക് മുൻപുള്ള കഥയാണ് ചിത്രം പറയുന്നത്. ഏഴ് രാജ്യങ്ങളെ ഒന്നിപ്പിച്ച് ടാർഗേറിയൻ വംശത്തിന് അടിത്തറയിട്ട ഈഗൺ ഒന്നാമൻ രാജാവിന്റെ പോരാട്ടവീര്യത്തിന്റെ കഥയായിരിക്കും സിനിമയുടെ പ്രമേയം. തന്റെ ഭീകരനായ 'ബലേറിയൻ ദി ബ്ലാക്ക് ഡെഡ്' എന്ന ഡ്രാഗണിന്റെ പുറത്തേറി സഹോദരിമാരായ വിസെനിയ, റെനിസ് എന്നിവർക്കൊപ്പം അദ്ദേഹം നടത്തുന്ന വെസ്റ്ററോസ് കീഴടക്കലാണ് ചിത്രത്തിലെ പ്രധാന ആകർഷണം.
ഓവൻ ഹാരിസ് സംവിധാനം ചെയ്യുന്ന ചിത്രത്തിന്റെ തിരക്കഥ ഒരുക്കുന്നത് ഹൗസ് ഓഫ് കാർഡ്സ്, ആൻഡോർ എന്നിവയിലൂടെ ശ്രദ്ധേയനായ ബോ വില്ലിമോൺ ആണ്. ഈഗൺ രാജാവായി ആരാണ് വേഷമിടുന്നത് എന്നതിനെക്കുറിച്ചുള്ള വിവരങ്ങൾ അണിയറപ്രവർത്തകർ ഇതുവരെ പുറത്തുവിട്ടിട്ടില്ല.
പതിറ്റാണ്ടുകളായി ടെലിവിഷൻ സ്ക്രീനുകളെ കീഴടക്കിയ 'ഗെയിം ഓഫ് ത്രോൺസ്' ലോകം സിനിമാശാലകളിലേക്ക് എത്തുമ്പോൾ വൻ ദൃശ്യവിരുന്നാണ് പ്രേക്ഷകർ പ്രതീക്ഷിക്കുന്നത്. 2029-ൽ സിനിമ റിലീസ് ചെയ്യുന്നതിന് മുൻപ് തന്നെ 'ഹൗസ് ഓഫ് ദി ഡ്രാഗൺ' നാലാം സീസണും 'എ നൈറ്റ് ഓഫ് ദി സെവൻ കിംഗ്ഡംസ്' പുതിയ സീസണും പ്രേക്ഷകരിലേക്ക് എത്തും.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20260930054532.jpg)
-20260930053614.jpg)
-20260909043220.jpg)
-20201113033852.jpg)
