ജെയിംസ് ഡീൻ ബിയോപിക് ഒരുങ്ങുന്നു; വൺ ഹാൻഡ് ടൈഡ്' അണിണിയറയിൽ

NOVEMBER 10, 2026, 8:59 PM

ഹോളിവുഡിലെ എക്കാലത്തെയും വലിയ ലെജൻഡുകളിൽ ഒരാളായ ജെയിംസ് ഡീന്റെ വ്യക്തിജീവിതവും പ്രണയവും പ്രമേയമാക്കി ഒരുങ്ങുന്ന പുതിയ ഇൻഡി ചിത്രം 'വൺ ഹാൻഡ് ടൈഡ്' ലെ പ്രധാന കഥാപാത്രത്തെ അവതരിപ്പിക്കാൻ സ്കോട്ടിഷ് നടൻ മിറ്റ്ചെൽ റോബർട്ട്സൺ എത്തുന്നു. ഗൈ ഗ്വിഡോ (Guy Guido) എഴുതി സംവിധാനം ചെയ്യുന്ന ചിത്രത്തിൽ ജെയിംസ് ഡീന്റെ അടുത്ത സുഹൃത്തും പങ്കാളിയുമായിരുന്ന ബിൽ ബാസ്റ്റിന്റെ വേഷമാണ് മിറ്റ്ചെൽ കൈകാര്യം ചെയ്യുന്നത്.

നെറ്റ്ഫ്ലിക്സ് സീരീസായ 'ഹാഫ് മാൻ'-ലെ മികച്ച പ്രകടനത്തിലൂടെ ശ്രദ്ധേയനായ നടനാണ് മിറ്റ്ചെൽ റോബർട്ട്സൺ. ജെയിംസ് ഡീൻ ആയി ബ്രാൻഡൺ ഫ്ലിൻ നേരത്തെ തന്നെ ചിത്രത്തിലേക്ക് തിരഞ്ഞെടുക്കപ്പെട്ടിരുന്നു. ബിൽ ബാസ്റ്റ് 2006-ൽ എഴുതിയ 'സർവൈവിങ് ജെയിംസ് ഡീൻ' എന്ന ആത്മകഥയെയും ഗൈ ഗ്വിഡോ നടത്തിയ ഗവേഷണങ്ങളെയും അടിസ്ഥാനമാക്കിയാണ് ചിത്രം നിർമ്മിക്കുന്നത്.

1950-കളിൽ യു.സി.എൽ.എ (UCLA) തിയേറ്റർ പഠനകാലത്ത് കണ്ടുമുട്ടിയ ഇരുവരുടെയും സൗഹൃദവും രഹസ്യ പ്രണയബന്ധവും, 1955-ൽ തന്റെ 24-ാം വയസ്സിൽ വാഹനാപകടത്തിൽ ജെയിംസ് ഡീൻ മരിക്കുന്നത് വരെയുള്ള സംഭവവികാസങ്ങളുമാണ് ചിത്രം ദൃശ്യവൽക്കരിക്കുന്നത്.

ഹോളിവുഡ് സൃഷ്ടിച്ച സ്റ്റീരിയോടൈപ്പ് പ്രതിച്ഛായകൾക്കപ്പുറം ജെയിംസ് ഡീൻ എന്ന വ്യക്തിയുടെ യഥാർത്ഥ ജീവിതവും വികാരങ്ങളുമാണ് ചിത്രം ചർച്ച ചെയ്യുന്നതെന്ന് സംവിധായകൻ വ്യക്തമാക്കി. '500 ഡേയ്സ് ഓഫ് സമ്മർ' എന്ന ചിത്രത്തിലൂടെ ശ്രദ്ധേയനായ സ്റ്റീവൻ ജെ. വോൾഫും ഫ്ലാവിയ അമണും ചേർന്നാണ് ചിത്രം നിർമ്മിക്കുന്നത്. ജെയിംസ് ഡീന്റെ മുൻപ് പുറത്തറിയാത്ത ജീവിത ഏടുകൾ കാണാനുള്ള കാത്തിരിപ്പിലാണ് സിനിമാ പ്രേമികൾ.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്