നായകൻ രാജീവ് പിള്ള, നായിക യുക്ത പെർവി ദ്വിഭാഷകളിൽ എത്തുന്ന റിവഞ്ച് ത്രില്ലർ ഡെക്സ്റ്റർ; ട്രെയിലർ റിലീസ് ആയി....

FEBRUARY 16, 2025, 6:29 AM

*മലയാളം,തമിഴ് ഭാഷകളിൽ ഒരുക്കിയ ചിത്രം ഫെബ്രുവരി 28ന് റിലീസിന് എത്തും...

മലയാളി താരം രാജീവ് പിള്ളയെ നായകനാക്കി റാം എന്റർടൈനേർസിന്റെ ബാനറിൽ പ്രകാശ് എസ്.വി നിർമ്മിച്ച് സൂര്യൻ ജി തിരക്കഥയെഴുതി സംവിധാനം ചെയ്യുന്ന പുതിയ ചിത്രമാണ് 'ഡെക്‌സ്റ്റർ'. മലയാളം, തമിഴ് എന്നീ ദ്വിഭാഷകളിലായി പുറത്തിറങ്ങുന്ന സിനിമയുടെ ട്രെയിലർ റിലീസ് ആയി. ചലച്ചിത്ര താരം ആര്യയാണ് ട്രെയിലർ പുറത്തിറക്കിയത്. ചിത്രത്തിൽ പ്രശസ്ത മോഡലും ബോളിവുഡ് താരവുമായ യുക്ത പെർവിയാണ് നായിക. എക്‌സിക്യൂട്ടീവ് പ്രൊഡ്യുസർ: ചർവാക വി.എൻ, ഹർഷ എൻ എന്നിവരാണ്. ചിത്രത്തിൽ രാജീവ് പിള്ളയെ കൂടാതെ ഹരീഷ് പേരടി, അഭിഷേക് ജോസഫ് ജോർജ്, അഷറഫ് ഗുരുക്കൾ, സിതാര വിജയൻ എന്നിവരും സുപ്രധാന വേഷങ്ങൾ കൈകാര്യം ചെയ്യുന്നു.

റിവഞ്ച് ത്രില്ലർ ഗണത്തിലുള്ള ചിത്രത്തിന്റെ കഥ ഒരുക്കിയിരിക്കുന്നത് ശിവം ആണ്. ആദിത്യ ഗോവിന്ദരാജ് ഛായാഗ്രഹണം നിർവ്വഹിക്കുന്ന ചിത്രത്തിന്റെ ചിത്രസംയോജനം ശ്രീനിവാസ് പി. ബാബുവാണ് കൈകാര്യം ചെയ്യുന്നത്. ജോ പോൾ, മോഹൻ രാജൻ എന്നിവരുടെ വരികൾക്ക് ശ്രീനാഥ് വിജയ് സംഗീതം പകർന്നിരിക്കുന്നു. ശ്വേത മോഹൻ, സത്യപ്രകാശ് എന്നിവരാണ് ഗായകർ. ചിത്രത്തിന്റെ കേരള, തമിഴ്‌നാട്, കർണാടക വിതരണ അവകാശം ഹരി ഉത്രയുടെ നേതൃത്വത്തിലുള്ള ഉത്ര പ്രൊഡക്ഷൻസ് ആണ് കരസ്ഥമാക്കിയിരിക്കുന്നത്.

സ്റ്റണ്ട്‌സ്: അഷ്രഫ് ഗുരുക്കൾ, കെ.ഡി. വെങ്കടേഷ്, കോറിയോഗ്രഫി: സ്‌നേഹ അശോക്, കലാസംവിധാനം: കിച്ച പ്രസാദ്, കലാസംവിധാനം: കിച്ചാ പ്രസാദ്, മേക്കപ്പ്: സുമ,
പ്രൊഡക്ഷൻ മാനേജർ: മനു & നച്ചിൻ, കോ -ഡയറക്ടർ: അനു ഗോപി, മണികണ്ഠൻ, അസി.ഡയറക്ടർ: ശങ്കു, പ്രിയ മോഹൻ, സൗണ്ട് എഫ്എക്‌സ് & ഡിസൈൻ: ശങ്കർ ഡി, ഡിഐ & മിക്‌സിംങ്: ധനുഷ് സ്റ്റുഡിയോ, വി.എഫ്.എക്‌സ്: നവീൻ സുന്ദർ റാവു, പി.ആർ.ഒ: പി. ശിവപ്രസാദ്, സ്റ്റിൽസ്: ചരൺരാജ് ഡി.എം, ഡിസൈൻസ്: തുളസിറാം രാജു എന്നിവരാണ് മറ്റ് അണിയറപ്രവർത്തകർ.