മലയാള സിനിമയിലെ ജനപ്രിയ നടനും റാപ്പർ കൂടിയായ നീരജ് മാധവ് തന്റെ പുതിയ റാപ്പ് സോങ് 'Old School Lady' റിലീസ് ചെയ്തു. നീരജിന്റെ മുൻ ഹിറ്റ് ഗാനമായ 'ബല്ലാത്ത ജാതി' ക്കു ശേഷം, ഈ പുതിയ ഗാനം ആരാധകർ ഏറെ ആകാംക്ഷയോടെയാണ് കാത്തിരുന്നത്. നീരജ് മാധവിന്റെ ഔദ്യോഗിക YouTube ചാനലിലൂടെയാണ് ഗാനം റിലീസ് ചെയ്തത്.

ഈ ഗാനം മലയാളികളുടെ പഴയ ഓർമ്മകളെ പുതുക്കുന്നതായി മാറുകയാണ്. 1978ലെ എവർഗ്രീൻ മലയാളം സിനിമാഗാനമായ 'മാടപ്രാവേ വാ' എന്ന ഗാനം ഉപയോഗിച്ചാണ് ഗാനം ആരംഭിക്കുന്നത്. കമൽ ഹാസനും, സരീനാ വഹാബും അഭിനയിച്ച 'മദ നോത്സവം' എന്ന ചിത്രത്തിലെ ഈ പാട്ട് മലയാള സിനിമാ സംഗീത ചരിത്രത്തിൽ അപൂർവമായ ഒരു മധുരഗാനമായിരുന്നു.

https://youtu.be/oy6gHbSQuIM

നീരജിന്റെ ഈ പുതിയ റാപ്പ് ഗാനം പഴയകാല ഹിറ്റ് സംഗീതവും ആധുനിക റാപ്പ് ശൈലിയും കലർത്തി പുതിയൊരു അനുഭവമായി മാറ്റിയിട്ടുണ്ട്. പഴമയുടെ സൗന്ദര്യവും പുതിയ തലമുറയുടെ എനർജിയും ചേർന്ന ഈ ഗാനം, മലയാളി പ്രേക്ഷകരുടെ മനസ്സിൽ ഇടം നേടുമെന്ന് ഉറപ്പാണ്!

ഈ ഗാനത്തിന്റെ വരികളും സംഗീതവും പ്രകടനവും നീരജ് മാധവിന്റേതാണ്, സംഗീത സംവിധാനം Arcado, മിക്‌സിംഗ് & മാസ്റ്ററിംഗ് rZeePurplehaze, മ്യൂസിക് ലേബൽ സരിഗമ ഇന്ത്യ ലിമിറ്റഡ്.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്