ഹോളിവുഡിൽ വലിയ പ്രതീക്ഷകളോടെ തിയേറ്ററുകളിലെത്തിയ പുതിയ ഡിസി സൂപ്പർഹീറോ ചിത്രം 'സൂപ്പർഗേൾ' ബോക്സ് ഓഫീസിൽ തകർന്നടിഞ്ഞതിന് പിന്നാലെ ചിത്രത്തിലെ നായിക മിലി ആൽകോക്കിനെതിരെ കടുത്ത വിമർശനവുമായി പ്രശസ്ത ടിവി അവതാരക മേഗൻ കെല്ലി.
തന്റെ പുതിയ ടോക്ക് ഷോ എപ്പിസോഡിലാണ് 55-കാരിയായ കെല്ലി, 'ഹൗസ് ഓഫ് ദി ഡ്രാഗൺ' പരമ്പരയിലൂടെ ശ്രദ്ധേയയായ മിലി ആൽകോക്കിനെ വ്യക്തിപരമായി അധിക്ഷേപിക്കുന്ന തരത്തിലുള്ള പ്രസ്താവനകൾ നടത്തിയത്.
ചിത്രത്തിന്റെ ആദ്യ വാരത്തിലെ മോശം കളക്ഷൻ വിവരങ്ങൾ പങ്കുവെച്ചുകൊണ്ടായിരുന്നു കെല്ലിയുടെ പ്രതികരണം. ബലം പ്രയോഗിച്ച് പ്രേക്ഷകരുടെ മേൽ അടിച്ചേൽപ്പിക്കുന്ന 'ഗേൾബോസ്' സിനിമകളുടെ കാലം കഴിഞ്ഞെന്നും ഇത്തരം സ്ത്രീ കേന്ദ്രീകൃത സൂപ്പർഹീറോ സിനിമകൾ കാണാൻ ഇനി ആളുകൾക്ക് താല്പര്യമില്ലെന്നും മേഗൻ കെല്ലി തുറന്നടിച്ചു.
ചിത്രത്തിലെ നായികയായ മിലി തികച്ചും അരോചകമായ രീതിയിലാണ് പെരുമാറുന്നതെന്നും മുൻപ് 'സ്നോ വൈറ്റ്' ചിത്രത്തിലെ നായിക റേച്ചൽ സെഗ്ലർ നേരിട്ടതുപോലെയുള്ള ജനരോഷമാണ് മിലിയും ഇപ്പോൾ നേരിടുന്നതെന്നും കെല്ലി പറഞ്ഞു. നടിയുടെ ഉയരത്തെയും രൂപത്തെയും പരിഹസിച്ച കെല്ലി, സ്ത്രീകളെ കേന്ദ്രീകരിച്ച് നിർമ്മിക്കുന്ന ഇത്തരം ചിത്രങ്ങളെ പ്രേക്ഷകർ പൂർണ്ണമായും തള്ളിക്കളയുന്നു എന്നതിന് ദി ന്യൂയോർക്ക് ടൈംസ് പുറത്തുവിട്ട കണക്കുകൾ തെളിവാണെന്നും വ്യക്തമാക്കി.
ക്രെയ്ഗ് ഗില്ലെസ്പി സംവിധാനം ചെയ്ത 'സൂപ്പർഗേൾ' എന്ന ചിത്രം കാര സോർ-എൽ എന്ന സൂപ്പർഹീറോയുടെയും അവളുടെ വളർത്തുനായ ക്രിപ്റ്റോയുടെയും കഥയാണ് പറയുന്നത്. തിയേറ്ററുകളിൽ വലിയ സാമ്പത്തിക നഷ്ടത്തിലേക്ക് നീങ്ങുന്ന ചിത്രത്തിൽ മിലി ആൽകോക്കിനൊപ്പം മത്തിയാസ് സ്കീനൈറ്റ്സ്, ഡേവിഡ് കോറെൻസ്വെറ്റ്, ജേസൺ മോമോവ എന്നിവരും പ്രധാന വേഷങ്ങളിൽ എത്തിയിട്ടുണ്ട്.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20260701035946.jpg)
-20201113034017.jpg)
-(1)-20260627100816.jpg)
