തുമ്പാട് 2'വിൽ സർപ്രൈസ് എൻട്രിയുമായി ആലിയ ഭട്ട്

MAY 5, 2026, 9:56 PM

ഹൊറർ ഫാന്റസി ചിത്രം 'തുമ്പാട്' നൽകിയ വിസ്മയത്തിന് പിന്നാലെ, അതിന്റെ രണ്ടാം ഭാഗത്തിൽ ബോളിവുഡ് താരം ആലിയ ഭട്ടും പ്രധാന വേഷത്തിലെത്തുന്നു. ചിത്രത്തിന്റെ രണ്ടാം ഭാഗത്തിൽ അതിപ്രധാനമായ ഒരു കഥാപാത്രത്തെയാണ് ആലിയ അവതരിപ്പിക്കുന്നതെന്ന് റിപ്പോർട്ടുകൾ സൂചിപ്പിക്കുന്നു.

വെറും 20 ദിവസത്തെ ചിത്രീകരണമാണെങ്കിലും, സിനിമയുടെ ഗതി മാറ്റുന്നതും മൂന്നാം ഭാഗത്തിന് അടിത്തറയിടുന്നതുമായ വേഷമാണിതെന്ന് പിങ്ക് വില്ല റിപ്പോർട്ട് ചെയ്യുന്നു. മെയ് 4-ന് നടക്കുന്ന മെറ്റ് ഗാലയിൽ പങ്കെടുക്കാൻ അമേരിക്കയിലേക്ക് തിരിക്കുന്നതിന് മുൻപ് ആലിയ ഭട്ട് തന്റെ ഭാഗങ്ങൾ പൂർത്തിയാക്കുമെന്നാണ് വിവരം.

സോഹം ഷാ, നവാസുദ്ദീൻ സിദ്ദിഖി എന്നിവർ പ്രധാന വേഷങ്ങളിലെത്തുന്ന 'തുമ്പാട് 2', ഹസ്തർ എന്ന പുരാണ കഥാപാത്രത്തെ ചുറ്റപ്പറ്റിയുള്ള നിഗൂഢതകളാണ് ചർച്ച ചെയ്യുന്നത്. ആദ്യ ഭാഗത്തിന്റെ അമ്പരപ്പിക്കുന്ന വിജയത്തിന് ശേഷം ആദേഷ് പ്രസാദ് സംവിധാനം ചെയ്യുന്ന ഈ ചിത്രം 2027 ഡിസംബർ 3-ന് തീയേറ്ററുകളിലെത്തും.

മധ് ഐലൻഡിൽ സജ്ജമാക്കിയ കൂറ്റൻ സെറ്റുകളിലാണ് നിലവിൽ ചിത്രീകരണം പുരോഗമിക്കുന്നത്. ആലിയയുടെ സാന്നിധ്യം സിനിമയ്ക്ക് കൂടുതൽ ആഗോള ശ്രദ്ധ നേടിത്തരുമെന്നാണ് അണിയറപ്രവർത്തകർ കരുതുന്നത്

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്