പെണ്‍കുട്ടികള്‍ പ്രായപൂര്‍ത്തിയായി കഴിഞ്ഞാല്‍ അവര്‍ക്കുമേലുള്ള മാതാപിതാക്കളുടെ നിയന്ത്രണങ്ങള്‍ കൂടുകയാണ് നമ്മുടെ നാട്ടിലൊക്കെ പതിവ്. എന്നാല്‍ കംബോഡിയയിലെ ചില ഗോത്രവര്‍ഗക്കാരില്‍ കാര്യങ്ങള്‍ അല്‍പം വ്യത്യസ്തമാണ്. ഇവിടെ പെണ്‍കുട്ടികള്‍ പ്രായപൂര്‍ത്തി ആകുമ്പോഴേക്കും മാതാപിതാക്കള്‍ അവര്‍ക്കായി ഒരു പ്രത്യേക കുടില്‍ നിര്‍മ്മിച്ചു നല്‍കും. ലൗ ഹട്ട് എന്നാണ് അവ അറിയപ്പെടുന്നത്. കൂട്ടത്തിലെ ഇഷ്ടമുള്ള ആണ്‍കുട്ടികളെയും കൊണ്ട് പെണ്‍കുട്ടികള്‍ക്ക് പിന്നീട് ഈ കുടിലില്‍ ആവശ്യമുള്ളത്ര സമയം ചിലവഴിക്കാം. ഒടുവില്‍ ആ കൂട്ടത്തില്‍ നിന്നും ഏറ്റവും ഇഷ്ടപ്പെടുന്ന ആളെ ജീവിതപങ്കാളിയായി തിരഞ്ഞെടുക്കുകയും ചെയ്യാം. ആ.. എത്ര മനോഹരമായ ആചാരങ്ങള്‍ അല്ലേ?
കമ്പോഡിയയിലെ രത്തനാക്കിരി എന്ന പ്രദേശത്ത് താമസിക്കുന്ന ക്രോയുങ് ഗോത്ര വര്‍ഗ്ഗത്തില്‍ പെട്ടവരാണ് ഇങ്ങനെ കാലത്തിനു മുന്‍പേ സഞ്ചരിക്കുന്ന ജീവിതശൈലി ഉള്ളവര്‍. തങ്ങളുടെ ഗോത്രത്തിലെ പെണ്‍കുട്ടികള്‍ ലൈംഗിക ശാക്തീകരണം നേടണം എന്നുള്ളതാണ് ഇവിടുത്തെ രീതി. അവര്‍ക്ക് യോജിച്ച ജീവിതപങ്കാളിയെ തിരഞ്ഞെടുക്കുന്നതിനായി ആണ് ഇത്തരത്തില്‍ മാതാപിതാക്കള്‍ തന്നെ സ്വകാര്യത ഒരുക്കി നല്‍കുന്നത്. മറ്റു പല ഗോത്രവര്‍ഗങ്ങളിലും പുരുഷന്മാര്‍ക്കാണ് പ്രാധാന്യമെങ്കിലും ഇവിടെ സ്ത്രീകളുടെ ഇഷ്ടത്തിന് ആണ് ഓരോ കാര്യവും തീരുമാനിക്കപ്പെടുന്നത്. പ്രായപൂര്‍ത്തി ആയിക്കഴിഞ്ഞാല്‍ സര്‍വ്വ സ്വാതന്ത്ര്യത്തോടെ പെണ്‍കുട്ടികള്‍ക്ക് താല്പര്യമുള്ള ആണ്‍കുട്ടികളുമായി ഈ ലൗ ഹട്ടിലേക്ക് ചേക്കേറാം. ഇഷ്ടപ്പെട്ടില്ലെങ്കില്‍ ധൈര്യമായി ഒഴിവാക്കി വിടാം. നന്നായി ഇഷ്ടപ്പെട്ടാലോ, പിന്നീടുള്ള ജീവിത കാലത്തേക്കുള്ള പങ്കാളിയായി അവരെ തിരഞ്ഞെടുക്കുകയും ചെയ്യാം.
ആണെന്നോ പെണ്ണെന്നോ ഉള്ള യാതൊരു വ്യത്യാസവും ഇല്ലാതെയാണ് ഈ ഗോത്രത്തില്‍ ജനിക്കുന്ന ഓരോ കുട്ടികളും ജീവിക്കുന്നത്. ആണ്‍കുട്ടികള്‍ക്ക് ലഭിക്കുന്ന എല്ലാ സ്വാതന്ത്ര്യവും ഇവിടെ പെണ്‍കുട്ടികള്‍ക്കും ലഭിക്കും. അതിപ്പോള്‍ പുക വലിയ്ക്കാനോ, മദ്യപിക്കാനോ എന്ത് തന്നെയായാലും. വലിയ ആഡംബരങ്ങള്‍ ഒന്നും കാണിക്കാതെ ജീവിതത്തില്‍ ഏറ്റവും ആവശ്യമുള്ള വസ്തുക്കള്‍ മാത്രം ഉപയോഗിച്ച് വളരെ ലളിതമായി ജീവിക്കുന്നവരാണ് ഈ ഗോത്രവര്‍ഗം. താമസിക്കാന്‍ ഒരു സ്ഥലം വേണം കഴിക്കാന്‍ ഭക്ഷണം വേണം പരസ്പരം സ്‌നേഹം ഉണ്ടായിരിക്കണം പങ്കാളികള്‍ പരസ്പരം നല്ല രീതിയില്‍ ലൈംഗികത ആസ്വദിക്കണം, ഇത്രയേ ഇവിടുത്തെ ജനങ്ങള്‍ക്ക് ആകെ ആവശ്യമുള്ളൂ. 
പുറംലോകത്തുള്ളവര്‍ എന്ത് കരുതിയാലും അവര്‍ക്കത് പ്രശ്‌നവുമില്ല. തങ്ങളുടെ ഭാവി തലമുറ ജീവിതം നന്നായി ആസ്വദിക്കണം എന്ന് മാത്രമാണ് ഇവിടുത്തെ ഓരോ മാതാപിതാക്കളും കരുതുന്നത്. പെണ്‍കുട്ടികള്‍ക്ക് 13 മുതല്‍ 15 വയസ് വരെ പ്രായമുള്ളപ്പോഴാണ് മാതാപിതാക്കള്‍ അവര്‍ക്കായി പ്രത്യേകം ലൗ ഹട്ട് നിര്‍മ്മിക്കുക. മുളകള്‍ കൊണ്ടായിരിക്കും ഈ കുടിലിന്റെ നിര്‍മ്മാണം. കുടിലിന്റെ നിര്‍മ്മാണം കഴിഞ്ഞാല്‍ മാതാപിതാക്കളുടെ ജോലി തീര്‍ന്നു. പിന്നെ പെണ്‍കുട്ടികളുടെ ഊഴമാണ്. അവര്‍ക്ക് തങ്ങളുടെ ഗോത്രത്തില്‍ നിന്നും ഇഷ്ടമുള്ള ആണ്‍കുട്ടികളെ തിരഞ്ഞെടുക്കാം.
പിന്നെയൊരു കാര്യമുണ്ട്, ലൈംഗികത എന്ന ഒരു ആവശ്യത്തെ മാത്രം മുന്‍നിര്‍ത്തി പെണ്‍കുട്ടികള്‍ക്കടുത്തേക്ക് വരുന്നവരല്ല ഇവിടുത്തെ ആണ്‍കുട്ടികള്‍. പരസ്പരം അറിഞ്ഞ് സൗഹൃദത്തിലൂടെ ഒരുമിച്ച് ജീവിക്കാന്‍ കഴിയുന്നവരാണോ എന്നൊക്കെ മനസ്സിലാക്കിയാണ് ഇവിടുത്തെ ഓരോ ആണ്‍കുട്ടികളും പെണ്‍കുട്ടികളും പങ്കാളികളെ കണ്ടെത്താറുള്ളത്. ലൈംഗികതയ്ക്ക് അപ്പുറമായി പരസ്പരം സംസാരിക്കാനും ഇടപഴകാനും പരസ്പരം തമ്മില്‍ ചേരുമോ എന്നറിയാനൊക്കെ സമയം ചെലവഴിക്കാനും ഈ ലൗ ഹട്ട് ഇവിടുത്തെ കുട്ടികളെ സഹായിക്കും. പെണ്‍കുട്ടികളോട് മോശമായി പെരുമാറാതിരിക്കാന്‍ ആയി ചെറുപ്പത്തില്‍ തന്നെ വേണ്ട ഉപദേശങ്ങളും പരിശീലനങ്ങളും എല്ലാം നല്‍കിയാണ് ഇവിടെ ആണ്‍കുട്ടികളെയും വളര്‍ത്തുന്നത്.
മാതാപിതാക്കള്‍ തങ്ങളെ വിശ്വസിച്ച് തങ്ങളുടെ ഇഷ്ടത്തിന് പങ്കാളിയെ തിരഞ്ഞെടുക്കാന്‍ സമ്മതം നല്‍കുന്നതുകൊണ്ടുതന്നെ ആ തീരുമാനത്തെ ബഹുമാനിക്കുന്നവരാണ് ഇവിടുത്തെ പെണ്‍കുട്ടികളും. പരസ്പരം അടുപ്പം തോന്നി ലൈംഗിക ബന്ധത്തില്‍ ഏര്‍പ്പെട്ടാലും ചിലപ്പോള്‍ കാലക്രമേണ ഇവര്‍ തമ്മില്‍ ചേരില്ല എന്ന് തിരിച്ചറിഞ്ഞാല്‍ പരസ്പരം ഒഴിവാക്കുന്നതിന് അവര്‍ക്ക് യാതൊരു ബുദ്ധിമുട്ടുമില്ല. തുടര്‍ന്ന് മറ്റൊരു ഇണയെ തിരഞ്ഞെടുക്കാവുന്നതാണ്. ഇങ്ങനെ വ്യത്യസ്ത പങ്കാളികളായി ലൈംഗികബന്ധത്തില്‍ ഏര്‍പ്പെടുന്നതിലൂടെ പലപ്പോഴും പെണ്‍കുട്ടികള്‍ അപ്രതീക്ഷിതമായി ഗര്‍ഭം ധരിക്കാറുമുണ്ട്. എന്നാല്‍ അങ്ങനെ ഗര്‍ഭിണിയാണെന്ന് കരുതി ആ വ്യക്തിയെ തന്നെ വിവാഹം കഴിക്കണമെന്ന് യാതൊരു നിര്‍ബന്ധവുമില്ല. മറ്റൊരു വ്യക്തിയില്‍ നിന്ന് ഗര്‍ഭിണിയായ പെണ്‍കുട്ടിയെ സ്വീകരിക്കാന്‍ ഇവിടത്തെ ആണ്‍കുട്ടികള്‍ക്ക് ഒരു മടിയുമില്ല. ആ കുഞ്ഞിനെ അവര്‍ സ്വന്തം കുഞ്ഞായി തന്നെ കരുതി വളര്‍ത്തും.
കാര്യങ്ങള്‍ ഇങ്ങനെയൊക്കെയാണെങ്കിലും ജീവിത നിലവാരം മാറി വിദ്യാഭ്യാസം ലഭിക്കാന്‍ തുടങ്ങിയതോടെ ഈ ഗോത്രവര്‍ഗത്തിലും ചില മാറ്റങ്ങള്‍ ഒക്കെ ഉണ്ട്. കുട്ടികള്‍ വിദ്യാഭ്യാസത്തിനും സാങ്കേതിക വിദ്യക്കും കൂടുതലായി പ്രാധാന്യം നല്‍കി തുടങ്ങിയതോടെ വിവാഹത്തിനു മുമ്പുള്ള ലൈംഗികബന്ധത്തില്‍ ഇപ്പോഴത്തെ തലമുറയ്ക്ക് വലിയ താല്പര്യമില്ല എന്നാണ് പറയുന്നത്. അതുകൊണ്ടുതന്നെ അവര്‍ വിദ്യാഭ്യാസം നേടി ജീവിതമൊക്കെ ഒന്ന് സെറ്റായതിനു ശേഷം മാത്രമാണ് ഇപ്പോള്‍ പങ്കാളിയെ കുറിച്ച് ചിന്തിക്കുന്നത്.
പഴയ തലമുറയ്ക്ക് ഇക്കാര്യത്തില്‍ കുറച്ചു വിഷമം ഉണ്ടെങ്കിലും പിള്ളേരുടെ സ്വാതന്ത്ര്യത്തില്‍ കൈ കടത്താന്‍ അവര്‍ക്കും താല്പര്യം ഇല്ല.
ഫേസ്ബുക്കിൽ വാർത്തകൾ അറിയാൻ പേജ് ലൈക്ക് ചെയ്യുക
Facebook ലിങ്ക് 👇
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്തിട്ട് ലൈക്ക് / Follow ബട്ടൺ ക്ലിക്ക് ചെയ്യുക.
ഒപ്പം vachakam.com ന്റെ YouTube ചാനൽ സബ്സ്ക്രൈബ് ചെയ്യാനും മറക്കല്ലേ...
ചാനൽ ലിങ്ക്: https://www.youtube.com/channel/UCXRVmXRlpFL8TzgXtb8IIyw?sub_confirmation=1
.jpg)
-20251001015115.jpg)
-20251001013544.jpg)
-20251001011552.jpg)
-20201004104033.jpg)
-20250921013348.jpg)
-20250930041839.jpg)
-20250930041339.jpeg)
