ഹൂസ്റ്റൺ : കിഴക്കൻ ഹൂസ്റ്റണിൽ ബുധനാഴ്ചയുണ്ടായ ത്രീ അലാറം തീപിടിത്തത്തിൽ ഹൂസ്റ്റൺ ഫയർ ഡിപ്പാർട്ട്‌മെന്റ് അഗ്‌നിശമന സേനാംഗം മാർസെലോ ഗാർഷ്യ 38 കൊല്ലപ്പെട്ടതുമായി ബന്ധപ്പെട്ട് യെസെനിയ മെൻഡസിനെതിരെ പോലീസ് കേസെടുത്തു. അഗ്‌നിശമന സേനാംഗത്തിന്റെ ജീവൻ അപഹരിച്ച തീപിടിത്തം മനഃപൂർവ്വം ഉണ്ടാക്കിയതാണെന്ന് ഹൂസ്റ്റൺ പോലീസ് ശനിയാഴ്ച പറഞ്ഞു.

ശനിയാഴ്ച ഉച്ചയോടെയാണ് മെൻഡെസിനെ അറസ്റ്റ് ചെയ്തത്. ബുധനാഴ്ച വൈകുന്നേരം കെട്ടിടത്തിൽ നിന്ന് പുക ഉയരാൻ തുടങ്ങിയപ്പോൾ തന്നെ മെൻഡസ് വെയർഹൗസിൽ നിന്ന് പുറത്തുപോകുന്നത് അഗ്‌നിബാധ അന്വേഷണ ഉദ്യോഗസ്ഥർ തിരിച്ചറിഞ്ഞതായി കോടതി രേഖകൾ കാണിക്കുന്നു.

മെൻഡസിന് മുമ്പ് വ്യക്തമാക്കാത്ത മാനസിക രോഗമോ ബൗദ്ധിക വൈകല്യമോ ഉണ്ടെന്ന് കണ്ടെത്തിയിരുന്നു. തീയിട്ടതിന് എന്തെങ്കിലും ഉദ്ദേശ്യമുണ്ടെന്ന് അവർ വിശ്വസിക്കുന്നുണ്ടോയെന്ന് അന്വേഷണ ഉദ്യോഗസ്ഥർ വ്യക്തമാക്കിയിട്ടില്ല.

ചുവന്ന ലൈറ്ററും അജ്ഞാതമായ ജ്വലന വസ്തുക്കളും ഉപയോഗിച്ചാണ് മെൻഡസ് തീ കത്തിച്ചതെന്ന് അന്വേഷണ ഉദ്യോഗസ്ഥർ വിശ്വസിക്കുന്നു. മെൻഡസിന്റെ ജാമ്യം നിഷേധിക്കാനാണ് പ്രോസിക്യൂട്ടർമാർ ശ്രമിക്കുന്നത്. അടുത്ത തിങ്കളാഴ്ച ഇവരെ കോടതിയിൽ ഹാജരാക്കും.

'ഈ നഗരത്തിലെ അഗ്‌നിശമന സേനാംഗങ്ങൾക്കുള്ള ആശ്വാസം ലഭിക്കുന്ന പ്രക്രിയയുടെ ആദ്യപടിയാണ് ഈ ചാർജ്. ഈ അന്വേഷണത്തിൽ സഹകരിച്ചതിന് ഞങ്ങളുടെ ആർസൺ ബ്യൂറോയ്ക്കും ഹൂസ്റ്റൺ പോലീസ് ഡിപ്പാർട്ട്‌മെന്റിനും മെട്രോ പോലീസ് ഡിപ്പാർട്ട്‌മെന്റിനും വ്യക്തിപരമായ നന്ദി അറിയിക്കാൻ ഞാൻ ആഗ്രഹിക്കുന്നു.'ഹൂസ്റ്റൺ ഫയർ ചീഫ് തോമസ് മുനോസ് പറഞ്ഞു.

പി.പി. ചെറിയാൻ

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്