റഷ്യ മിസൈൽ പരീക്ഷണം നടത്തിയതിനെ തുടർന്ന് അമേരിക്കൻ പ്രസിഡന്റ് ട്രംപ് അമേരിക്കൻ ആണവായുധ പരീക്ഷണം ഉടൻ തുടങ്ങാൻ ഉത്തരവിട്ടതായി റിപ്പോർട്ട്. ഡൊണാൾഡ് ട്രംപ് പ്രഖ്യാപിച്ചതനുസരിച്ച്, അമേരിക്ക ആണവായുധ പരീക്ഷണം ഉടൻ (immediately) പുനരാരംഭിക്കും എന്നാണ് ലഭിക്കുന്ന റിപ്പോർട്ട്.

മറ്റ് രാജ്യങ്ങൾ നടത്തുന്ന പരീക്ഷണങ്ങളോട് തുല്യമായി അമേരിക്കയും മുന്നോട്ട് പോകണമെന്ന് തന്റെ യുദ്ധവകുപ്പിന് (Department of War) അദ്ദേഹം നിർദ്ദേശം നൽകിയതായി ആണ് ലഭിക്കുന്ന റിപ്പോർട്ടുകൾ. ഈ നീക്കത്തെ ലോകത്തിലെ ശക്തി തുല്യത (global parity) നിലനിർത്താൻ വേണ്ടിയുള്ള ആവശ്യമായ നടപടി എന്നാണ് ട്രംപ് വിശേഷിപ്പിച്ചത്.

“അമേരിക്കയ്ക്കാണ് ലോകത്തിലെ ഏറ്റവും കൂടുതൽ ആണവായുധങ്ങൾ ഉള്ളത്. എന്റെ പ്രസിഡന്റ്ഷിപ്പ് കാലത്ത്, നിലവിലുള്ള എല്ലാ ആയുധങ്ങളും പൂർണ്ണമായി നവീകരിക്കുകയും പുതുക്കുകയും ചെയ്തതാണ്” എന്നാണ് ബുധനാഴ്ച രാത്രി “ട്രൂത്ത് സോഷ്യൽ” എന്ന തന്റെ സോഷ്യൽ മീഡിയ അക്കൗണ്ടിൽ ട്രംപ് വ്യക്തമാക്കിയത്.

അതേസമയം “ഈ ആയുധങ്ങളുടെ അതിവിപുലമായ നാശനശേഷി കാരണം എനിക്ക് ഇത് ചെയ്യാൻ ഇഷ്ടമായിരുന്നില്ല. പക്ഷേ ഇപ്പോൾ എനിക്ക് വേറെ മാർഗമുണ്ടായിരുന്നില്ല. റഷ്യ രണ്ടാമതാണ്, ചൈന മൂന്നാമത് — എന്നാൽ അഞ്ചുവർഷത്തിനുള്ളിൽ അവർ തുല്യരാകും. അതുകൊണ്ട്, മറ്റ് രാജ്യങ്ങൾ നടത്തുന്ന ആണവ പരീക്ഷണങ്ങളോട് തുല്യമായി നമ്മുടെ പരീക്ഷണങ്ങളും ആരംഭിക്കാൻ ഞാൻ യുദ്ധവകുപ്പിനോട് നിർദേശിച്ചു. ആ പ്രക്രിയ ഉടൻ ആരംഭിക്കും” എന്നും അദ്ദേഹം കൂട്ടിച്ചേർത്തു.

ഞങ്ങൾ മിസൈൽ പരീക്ഷണങ്ങൾ പതിവായി നടത്താറുണ്ട്. എന്നാൽ പുടിൻ ഈ സമയത്ത് മിസൈൽ പരീക്ഷണം നടത്തുന്നത് ശരിയായ കാര്യമല്ല. യുദ്ധം ഒരാഴ്ചയിൽ തീരേണ്ടതായിരുന്നു, പക്ഷേ ഇപ്പോൾ നാലാം വർഷത്തിലേക്ക് കടക്കുകയാണ്. അതാണ് പുടിൻ ശ്രദ്ധിക്കേണ്ടത് എന്നും ട്രംപ് പ്രതികരിച്ചു. റഷ്യയ്‌ക്കെതിരെ പുതിയ ഉപരോധങ്ങൾ (sanctions) ഏർപ്പെടുത്താൻ സാധ്യതയുണ്ടെന്നും ട്രംപ് മാധ്യമങ്ങൾക്ക്  സൂചന നൽകി.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്