ഹൂസ്റ്റണിൽ സൗജന്യ ആരോഗ്യ മേള സെപ്തംബർ 26ന് ശനിയാഴ്ച

SEPTEMBER 24, 2026, 1:26 AM

ഹൂസ്റ്റൺ: ലവ് ടു ഷെയർ ഫൗണ്ടേഷൻ അമേരിക്കയുടെ ആഭിമുഖ്യത്തിൽ വർഷംതോറും സംഘടിപ്പിച്ചുവരുന്ന സൗജന്യ ആരോഗ്യ മേള 14-ാം വർഷവും നടത്തപ്പെടുന്നതാണ്.

2026 സെപ്തംബർ 26 ശനിയാഴ്ച രാവിലെ 8 മുതൽ ഉച്ചയ്ക്ക് 12 വരെ മാൻവെലിലെ ഡോ. ലക്ഷ്മി നായരുടെ സായി പ്രൈമറി കെയർ / ന്യൂ ലൈഫ് പ്ലാസയിൽ വെച്ചാണ് ആരോഗ്യ മേള സംഘടിപ്പിക്കുന്നത്. 3945 CR 58, (288–CR 58 ജംഗ്ഷൻ), മാൻവെൽ, ടെക്‌സസ് 77578 എന്നതാണ് വേദി. പ്രമുഖ ആശുപത്രികൾ, ഫാർമസികൾ, ആരോഗ്യ മേഖലയിലെ വിവിധ സ്ഥാപനങ്ങൾ എന്നിവയുടെ സഹകരണത്തോടെയാണ് പരിപാടി.

ആരോഗ്യ പരിശോധനയുടെ ഭാഗമായി വിവിധ ഹെൽത്ത് സ്‌ക്രീനിങ്ങുകൾ, ഇ.കെ.ജി., ബോഡി മാസ് ഇൻഡക്‌സ് , രക്തസമ്മർദ്ദ പരിശോധന, ബ്ലഡ് ഗ്ലൂക്കോസ് പരിശോധന, തൈറോയ്ഡ് അൾട്രാസൗണ്ട്, കരോട്ടിഡ് ഡോപ്ലർ, ലംഗ് ഫംഗ്ഷൻ ടെസ്റ്റ്, കാഴ്ച, കേൾവി പരിശോധനകൾ തുടങ്ങി 20ലേറെ സൗജന്യ പരിശോധനകൾ ഉണ്ടായിരിക്കും.

കൂടാതെ ആയുർവേദം, ന്യൂട്രീഷൻ, ബാക്ക്ടുസ്‌കൂൾ ഹെൽത്ത് ഗൈഡൻസ്, കോസ്‌മെറ്റിക്‌സ്, യോഗ, ധ്യാനം, കാർഡിയോളജി, ഗാസ്‌ട്രോഎൻട്രോളജി, ന്യൂറോളജി തുടങ്ങിയ മേഖലകളിൽ സൗജന്യ കൺസൾട്ടേഷനും ലഭ്യമാകും.

പരിശോധനകൾക്കും കൺസൾട്ടേഷനുകൾക്കും മുൻകൂർ അപ്പോയിന്റ്‌മെന്റ് ആവശ്യമില്ല. ആദ്യമെത്തുന്ന 100 പേർക്ക് സൗജന്യ ഫ്‌ളൂ ഷോട്ട് ലഭിക്കും. പങ്കെടുക്കുന്നവർ രജിസ്‌ട്രേഷനും ആവശ്യമായ സമ്മതപത്രവും പൂരിപ്പിക്കേണ്ടതാണ്.

ഇൻഷുറൻസ് ഇല്ലാത്തവർക്കും ആരോഗ്യ മേളയുടെ സൗജന്യ സേവനങ്ങൾ പ്രയോജനപ്പെടുത്താവുന്നതാണ്.