ടെസ്ലയുടെ ഫുള്‍ സെല്‍ഫ് ഡ്രൈവിംഗ് വളരെയധികം പുരോഗമിച്ചെന്ന് എലോണ്‍ മസ്‌ക്

JANUARY 29, 2025, 9:29 PM

ന്യൂയോര്‍ക്ക്: ടെസ്ലയുടെ ഫുള്‍ സെല്‍ഫ് ഡ്രൈവിംഗ് വളരെയധികം പുരോഗമിച്ചെന്ന് അവകാശപ്പെട്ട് എലോണ്‍ മസ്‌ക്. ബുധനാഴ്ച നിക്ഷേപകരുമായും വിശകലന വിദഗ്ധരുമായും നടത്തിയ ഒരു സംഭാഷണത്തിനിടെയാണ് സ്വയംഭരണ വികസനം കാരണം വരും വര്‍ഷങ്ങളില്‍ കമ്പനി വന്‍ നേട്ടങ്ങള്‍ കൊയ്യുമെന്ന് ടെസ്ല സിഇഒ എലോണ്‍ മസ്‌ക് വ്യക്തമാക്കിയത്.

വാസ്തവത്തില്‍, ടെസ്ലയുടെ ഫുള്‍ സെല്‍ഫ് ഡ്രൈവിംഗ് (എഫ്എസ്ഡി) സവിശേഷത അതിന്റെ വികസനത്തില്‍ വളരെയധികം പുരോഗമിച്ചിട്ടുണ്ടെന്നും സ്റ്റിയറിംഗ് വീലില്‍ നിന്ന് കൈകള്‍ നീക്കം ചെയ്യുന്നുവെന്നത് അതിന്റെ പുരോഗതിയുടെ സൂചനയാണെന്നും അദ്ദേഹം പറഞ്ഞു. തങ്ങളെ ശല്യപ്പെടുത്തുന്ന ബീപ്പുകള്‍ ലഭിക്കാതിരിക്കാന്‍ ഡ്രൈവര്‍മാര്‍ ഫീച്ചര്‍ ഓഫാക്കുകയാണെന്നും അദ്ദേഹം പറഞ്ഞു. ഇപ്പോള്‍, കമ്പ്യൂട്ടര്‍ തങ്ങളോട് നിര്‍ദേശങ്ങള്‍ നല്‍കി ബുദ്ധിമുട്ടിക്കാതിരിക്കാന്‍ ആളുകള്‍ അവരുടെ ടെക്സ്റ്റ് സന്ദേശങ്ങള്‍ പരിശോധിക്കാന്‍ മാനുവല്‍ ഡ്രൈവിംഗിലേക്ക് പോകുന്ന ഒരു വികലമായ സാഹചര്യമുണ്ടെന്നും മസ്‌ക് പറഞ്ഞു.

മാത്രമല്ല ഡ്രൈവര്‍മാര്‍ ഓട്ടോപൈലറ്റ് ഓഫാക്കുകയും ഇമെയിലുകളും ടെക്സ്റ്റുകളും വായിക്കാന്‍ കാല്‍മുട്ടുകള്‍ ഉപയോഗിച്ച് സ്റ്റിയറിംഗ് നടത്തുകയും ചെയ്യുന്നുവെന്നും അദ്ദേഹം അവകാശപ്പെട്ടു. ഇടപെടേണ്ട ആവശ്യമില്ലാത്തതിനാല്‍ ഓട്ടോപൈലറ്റ് സൂപ്പര്‍ ബോറടിപ്പിക്കുന്നതാണെന്ന് പരാതിപ്പെട്ട ഒരു വിശകലന വിദഗ്ദ്ധന് മറുപടിയായി മസ്‌ക് പറഞ്ഞത് സ്റ്റീയറിങ്ങില്‍ നിന്ന് കൈയെടുക്കുന്നത് അത്ര സുരക്ഷിതമായ കാര്യമല്ല എന്നാണ്.

അഞ്ച് സെക്കന്‍ഡോ അതില്‍ കൂടുതലോ ഉപയോക്താക്കള്‍ക്ക് അവരുടെ ഫോണുകള്‍ കൈകാര്യം ചെയ്യാന്‍ അനുവദിക്കുന്ന, എന്നാല്‍ നിര്‍ദേശങ്ങളൊന്നുമില്ലാതെ ഡ്രൈവിംഗ് വാഗ്ദാനം ചെയ്യുന്നത് ടെസ്ല പരിഗണിക്കുന്നുണ്ടോ എന്നും ഉള്‍പ്പെടെയുള്ള ചോദ്യങ്ങള്‍ വിശകലന വിദഗ്ദ്ധര്‍ മസ്‌കിനോട് ചോദിച്ചു.