ഷിക്കാഗോ :ഷിക്കാഗോ മലയാളി അസോസിയേഷൻ കേരളപ്പിറവി ദിനം വിപുലമായി ആഘോഷിച്ചു. നവംബർ 3 ഞായറാഴ്ച വൈകിട്ട് 5ന് സി.എം.എ ഹാളിൽ വെച്ച് നടന്ന പ്രസ്തുത സമ്മേളനത്തിൽ നിരവധി ആളുകൾ പങ്കെടുത്തു.

സി.എം.എ പ്രസിഡന്റ് ജെസ്സി റിൻസി അധ്യക്ഷത വഹിച്ച സമ്മേളനത്തിൽ പ്രമുഖ ധനകാര്യ മാനേജ്‌മെന്റ് വിദഗ്ധൻ സാബു തോമസ് മുഖ്യാഥിതിയായിരുന്നു. ഷിക്കാഗോ മാർത്തോമാ ക്വയർ ആലപിച്ച കേരളഗാനം ആലാപന മികവ് കൊണ്ടും അവതരണ ഭംഗി കൊണ്ടും ശ്രദ്ധേയമായി. സൂസൻ ചാക്കോ, സൂസൻ ഇടമല എന്നിവർ ഇതിനു നേതൃത്വം നൽകി. തുടർന്ന് സാബു തോമസ് നിലവിളക്ക് തെളിയിച്ച് സമ്മേളനം ഉദ്ഘാടനം ചെയ്തു.

തുടർന്ന് നടന്ന ധനകാര്യ മാനേജ്‌മെന്റിനെക്കുറിച്ചുള്ള ക്ലാസും ചർച്ചയും വളരെയേറെ പ്രയോജനപ്രദമായിരുന്നുവെന്ന് പങ്കെടുത്ത മുഴുവൻ ആളുകളും അഭിപ്രായപ്പെട്ടു. മെഡികെയർ, മെഡിക്കെയ്ഡ്,വിൽ,ട്രസ്റ്റ്, എസ്റ്റേറ്റ് പ്ലാനിംഗ് തുടങ്ങിയ വിഷയങ്ങളെക്കുറിച്ച് ഈ രംഗത്ത് മുപ്പതിൽ പരം വർഷങ്ങളുടെ അനുഭവസമ്പത്തുള്ള സാബു തോമസ്, മിയ റോസൽ എന്നിവർ ക്ലാസ്സുകൾക്ക് നേതൃത്വം നൽകി. ഇത്തരം പരിപാടികൾ വീണ്ടും സംഘടിപ്പിക്കണമെന്ന് സമ്മേളനത്തിൽ ആവശ്യമുയർന്നു. ഫോമാ റീജിയണൽ വൈസ് പ്രസിഡന്റ് ജോൺസൻ കണ്ണൂക്കാടൻ ആശംസകൾ അറിയിച്ചു.

സി.എം.എ പ്രസിഡന്റ് ജെസ്സി റിൻസി, ഫിലിപ്പ് പുത്തൻപുര, സിബിൽ ഫിലിപ്പ്, മനോജ് അച്ചേട്ട്, വർഗീസ് തോമസ്, ആൽവിൻ ഷക്കോർ, വിവിഷ് ജേക്കബ് എന്നിവർ നേതൃത്വം നൽകി.

ബിജു മുണ്ടക്കൽ

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്