മെസ്‌ക്വിറ്റ് (ഡാളസ്) :ലോക സൺഡേ സ്‌കൂൾ ദിനം ഡാളസ് സെന്റ് പോൾസ് മാർത്തോമാ ചർച്ചിൽ വിവിധ പരിപാടികളോടെ  ആഘോഷിച്ചു. നവംബർ 3 ഞായറാഴ്ച  രാവിലെ പത്തുമണിക്ക് ദേവാലയ പരിസരത്ത് സൺഡേ സ്‌കൂൾ വിദ്യാർത്ഥികൾ അണിനിരന്ന  റാലിക്കു ലീന പണിക്കർ, തോമസ് ഈശോ, ജോതം സൈമൺ എന്നിവർ നേതൃത്വം നൽകി.

തുടർന്ന് ദേവാലയത്തിനകത്ത് പ്രവേശിച്ചശേഷം വിശ്വാസികൾക്ക് അഭിമുഖമായി ഒത്തുകൂടിയ വിദ്യാർത്ഥികൾ ക്വയർ മാസ്റ്റർ സുബി കൊച്ചമ്മയുടെ നേത്യത്വത്തിൽ  'നന്മയിൻ ദീപം തെളിയുകയായി' എന്ന ഉദ്ഘാടന ഗാനമാലപിച്ചു.

ലോക സൺഡേ സ്‌കൂൾ ദിനം പ്രത്യേക ആരാധനക്ക് വികാരി റവ. ഷൈജു സി. ജോയിക്കൊപ്പം  ജാനറ്റ് ഫിലിപ്പ്, രോഹൻ ചേലഗിരി, ലിയ തരിയൻ എന്നിവർ നേത്യത്വം നൽകി. തുടർന്ന് നടന്ന വിശുദ്ധകുർബാനക്ക്  റവ. ഷൈജു സി. ജോയി മുഖ്യ കാർമീകത്വം വഹിച്ചു. അബിയൻ അലക്‌സ്, ജേഡൻ ജേക്കബ് എന്നിവർ സഹ കാർമീകരായിരുന്നു. ഏബൽ ചാക്കോ, ക്രിസ്റ്റീൻ അലക്‌സ് എന്നിവർ നിശ്ചയിക്കപ്പെട്ട പാഠഭാഗം വായിച്ചു. ട്വിങ്കിൾ ടോബി സന്ദേശം നൽകി. എലീജ റിനു തോമസ് പ്രാർത്ഥിച്ചു.

തുടർന്ന് നടന്ന സമാപന സമ്മേളനത്തിൽ  ലീ മാത്യു ഉദ്ഘാടന പ്രസംഗം നിർവഹിച്ചു. സൺഡേ സ്‌കൂളിലെ അധ്യാപകർക്ക് തുടർച്ചയായ മൂന്ന് വർഷത്തിനുള്ള സേവനത്തിന് റവ. ഷൈജു സി. ജോയ്, ബിനി ടോബി, രേഷ്മ ജെഹോഷ് എന്നിവർ ചേർന്ന് അവാർഡുകൾ നൽകി ആദരിച്ചു. ഭദ്രാസനാടിസ്ഥാനത്തിൽ ലഭിച്ച മെറിറ്റ് അവാർഡുകളുടെ വിതരണവും നിർവഹിച്ചു. റവ. ഷൈജു സി.ജോയ് അച്ചന്റെ പ്രാർത്ഥനയോടെ ആഘോഷങ്ങൾ സമാപിച്ചു.

പി.പി. ചെറിയാൻ 

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്