വാഷിംഗ്ടണ്‍: കമലാ ഹാരിസിന് സെലിബ്രിറ്റികള്‍ നല്‍കിയ പിന്തുണയില്‍ ഒരാള്‍ തന്നെ ഏറ്റവും നിരാശപ്പെടുത്തിയതായി മുന്‍ അമേരിക്കന്‍ പ്രസിഡന്റ് ഡൊണാള്‍ഡ് ട്രംപ്. നടി ജൂലിയ റോബര്‍ട്ട്സ്, കമല ഹാരിസ് അനുകൂല പരസ്യത്തില്‍ പ്രത്യക്ഷപ്പെടുന്നത് കണ്ടതില്‍ തനിക്ക് നിരാശയുണ്ടെന്ന് അദ്ദേഹം പറഞ്ഞു.

ലിബറല്‍ സംഘടനയായ വോട്ട് കോമണ്‍ ഗുഡിനായി റോബര്‍ട്ട്‌സ് പരസ്യത്തില്‍ പ്രത്യാക്ഷപ്പെട്ടതിന് പിന്നാലെയാണ് ട്രംപിന്റെ പ്രസ്താവന വന്നത്. തങ്ങളുടെ പങ്കാളികളെ അറിയിക്കാതെ രഹസ്യമായി കമല ഹാരിസിനെ പിന്തുണക്കൂ എന്നാണ് പരസ്യത്തില്‍ സ്ത്രീകളോട് ജൂലിയ ആഹ്വാനം ചെയ്യുന്നത്. 

'ജൂലിയ റോബര്‍ട്ട്‌സിനെ കുറിച്ച് ഞാന്‍ വളരെ നിരാശനാണ്, കാരണം ഞാന്‍ സ്‌നേഹിക്കുന്നു ... അവള്‍ അതിലേക്ക് തിരിഞ്ഞുനോക്കും, അവള്‍ തളര്‍ന്നുപോകും,' ട്രംപ് പറഞ്ഞു.

ഹാരിസ് അനുകൂലിയായ ജോര്‍ജ്ജ് ക്ലൂണിയുടെ വീഡിയോക്കൊപ്പമാണ് റോബര്‍ട്ട്സിന്റെ പരസ്യവും പുറത്തിറങ്ങിയത്. കമലയ്ക്കുള്ള വോട്ട് തങ്ങളുടെ റിപ്പബ്ലിക്കന്‍ പുരുഷ സുഹൃത്തുക്കളില്‍ നിന്ന് രഹസ്യമായി സൂക്ഷിക്കാന്‍ പുരുഷന്മാരെ പ്രേരിപ്പിക്കുന്നതാണ് ക്ലൂണിയുടെ പരസ്യം. 

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്