ഐപിഎൽ 2027 സീസണിന് മുന്നോടിയായി ക്രിക്കറ്റ് ലോകത്തെ ഞെട്ടിക്കുന്ന മറ്റൊരു വമ്പൻ ട്രേഡിനുകൂടി കളമൊരുങ്ങുന്നതായി റിപ്പോർട്ടുകൾ. മുംബൈ ഇന്ത്യൻസ് നായകൻ ഹാർദിക് പാണ്ഡ്യയെ സ്വന്തമാക്കാൻ കൊൽക്കത്ത നൈറ്റ് റൈഡേഴ്സ് (KKR) തീവ്രശ്രമം തുടങ്ങിയതായാണ് വിവരങ്ങൾ പുറത്തുവരുന്നത്. ഹാർദിക്കിനെ ടീമിലെത്തിച്ചാൽ കൊൽക്കത്തയുടെ നായകസ്ഥാനം നൽകാമെന്നാണ് മാനേജ്മെന്റിന്റെ പ്രധാന വാഗ്ദാനം. ഇതിനായി കൊൽക്കത്തയും മുംബൈ ഇന്ത്യൻസ് മാനേജ്മെന്റും തമ്മിൽ ഒന്നിലധികം ചർച്ചകൾ നടത്തിക്കഴിഞ്ഞതായാണ് സൂചന.
കഴിഞ്ഞ രണ്ട് ഐപിഎൽ സീസണുകളിൽ ഹാർദിക്കിന് കീഴിലിറങ്ങിയ മുംബൈ ഇന്ത്യൻസിന് വലിയ ചലനങ്ങൾ സൃഷ്ടിക്കാൻ സാധിച്ചിരുന്നില്ല. 2025-ൽ മാത്രമാണ് ടീം പ്ലേഓഫിലെത്തിയത് (മൂന്നാം സ്ഥാനം). കഴിഞ്ഞ സീസണിലാകട്ടെ പോയിന്റ് പട്ടികയിൽ ഒമ്പതാം സ്ഥാനത്താണ് മുംബൈ ഫിനിഷ് ചെയ്തത്. ഈ മോശം പ്രകടനങ്ങൾക്ക് പിന്നാലെ ഹാർദിക് മുംബൈ വിടുമെന്ന സൂചനകൾ താരത്തിന്റെ സോഷ്യൽ മീഡിയ ആക്റ്റിവിറ്റികളിൽ നിന്നും വ്യക്തമായിരുന്നു.
കഴിഞ്ഞ സീസണിൽ താൽക്കാലിക ക്രമീകരണമെന്ന നിലയിലാണ് അജിങ്ക്യ രഹാനെയ്ക്ക് കൊൽക്കത്ത നായകസ്ഥാനം നൽകിയത്. എന്നാൽ ബാറ്റിങ്ങിലും നായകത്വത്തിലും രഹാനെ പരാജയമായി മാറി. ഭാവി നായകനായി യുവതാരം റിങ്കു സിങ്ങിനെ വൈസ് ക്യാപ്റ്റനാക്കി കെകെആർ വളർത്തുന്നുണ്ടെങ്കിലും, പെട്ടെന്നൊരു കിരീടത്തിലേക്ക് ടീമിനെ നയിക്കാൻ ഹാർദിക്കിനെപ്പോലൊരു പരിചയസമ്പന്നനായ നായകനെ വേണമെന്നാണ് കൊൽക്കത്ത മാനേജ്മെന്റിന്റെ നിലപാട്.
കഴിഞ്ഞ സീസണിന്റെ അവസാനത്തിൽ തന്നെ കെകെആർ മുംബൈ അധികൃതരെ സമീപിച്ചിരുന്നു. എന്നാൽ അന്ന് റിലയൻസിന്റെ വാർഷിക പൊതുയോഗം (Reliance AGM) നടക്കാനിരുന്നതിനാൽ ട്രേഡിങ് ചർച്ചകൾക്ക് മുൻഗണന ലഭിച്ചില്ല. എന്നാൽ ഇപ്പോൾ കൊൽക്കത്ത വീണ്ടും മുംബൈ മാനേജ്മെന്റുമായി ചർച്ചകൾ സജീവമാക്കിയിട്ടുണ്ടെന്ന് ഐപിഎല്ലിനോട് അടുത്ത വൃത്തങ്ങൾ പിടിഐയോട് വ്യക്തമാക്കി. കൊൽക്കത്തയ്ക്ക് പുറമെ രാജസ്ഥാൻ റോയൽസും ഹാർദിക്കിനായി താല്പര്യം പ്രകടിപ്പിച്ചിട്ടുണ്ടെങ്കിലും നായകസ്ഥാനം ഓഫർ ചെയ്യുന്ന കെകെആറിലേക്ക് തന്നെയാകും ഹാർദിക് ചേക്കേറാൻ കൂടുതൽ സാധ്യത.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
-20260624102755.jpg)
-20260624101443.webp)
-20260502064009.jpg)
1-20260624094731.jpg)
-20260624094449.jpg)
1-20260622125536.jpg)
-20260527014934.jpg)
