ഇത്തിഹാദ് സ്റ്റേഡിയത്തിൽ മാഞ്ചസ്റ്റർ യുണൈറ്റഡിനോട് 2-1ന് തോറ്റതിന് ശേഷം സംസാരിച്ച പെപ് ഗ്വാർഡിയോള തന്റെ ടീമിന്റെ പരാജയങ്ങളുടെ ഉത്തരവാദിത്തം ഏറ്റെടുക്കുന്നതായി പറഞ്ഞു. ഈ തോൽവി അവരുടെ അവസാന 11 മത്സരങ്ങളിൽ സിറ്റിയുടെ എട്ടാം തോൽവിയാണ്. ഈ കാലയളവിൽ ഒരു ജയം മാത്രമെ അവർക്കുള്ളൂ.

'ഞാനാണ് ഈ ഫലങ്ങളുടെ ഉടമ. ഞാനാണ് മാനേജർ. എനിക്കൊരു പരിഹാരം കാണണം. ഞാൻ പോര. ഞാൻ നന്നായി ചെയ്യുന്നില്ല; അതാണ് സത്യം,' മത്സരശേഷം ഗ്വാർഡിയോള പറഞ്ഞു. സിറ്റി നേരത്തെ ലീഡ് നേടിയെങ്കിലും പ്രതിരോധത്തിലെ വീഴ്ചകളാൽ പരാജയപ്പെടുകയായിരുന്നു, ഈ സീസണിൽ അവരുടെ സ്ഥിരം ഒരു പ്രശ്‌നമാണിത്. തങ്ങളുടെ മോശം പ്രകടനങ്ങൾക്ക് ടീമിന്റെ സംയമനത്തിന്റെയും ഉത്തരവാദിത്തത്തിന്റെയും അഭാവം ഗ്വാർഡിയോള ചൂണ്ടിക്കാട്ടി.

'അധികം പറയാനില്ല. പ്രതിരോധമില്ല, അവർ 'മാഞ്ചസ്റ്റർ യുണൈറ്റഡ് ' അവിശ്വസനീയമാംവിധം സ്ഥിരത പുലർത്തി. രണ്ട് സീസണുകളിലായി എട്ട് മത്സരങ്ങൾ ഞങ്ങൾ തോറ്റിട്ടില്ല. ഞങ്ങൾക്ക് അതിനെ പ്രതിരോധിക്കാൻ കഴിയില്ല, 'അദ്ദേഹം സമ്മതിച്ചു.

'തുടക്കത്തിൽ ഇതൊരു കഠിനമായ സീസണായിരിക്കുമെന്ന് എനിക്കറിയാമായിരുന്നു, പക്ഷേ ഇത് ഇത്രയും ബുദ്ധിമുട്ടായിരിക്കുമെന്ന് ഞാൻ കരുതിയിരുന്നില്ല.' വ്യക്തിഗത തെറ്റുകളിൽ ശ്രദ്ധ കേന്ദ്രീകരിക്കുന്നതിനുപകരം കൂട്ടായ പരിശ്രമത്തിൽ നിന്നാണ് പുരോഗതി ഉണ്ടാകേണ്ടതെന്ന് അദ്ദേഹം ഊന്നിപ്പറഞ്ഞു.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്