ആൽബർട്ടോ റോഡ്രിഗസ് മോഹൻ ബഗാനിൽ

JULY 6, 2024, 6:00 PM

പുതിയ ഐഎസ്എൽ സീസൺ മുന്നോടിയായി മോഹൻ ബഗാൻ സ്പാനിഷ് സെന്റർ ബാക്കായ ആൽബർട്ടോ റോഡ്രിഗസിനെ സ്വന്തമാക്കി.

താരത്തിന്റെ സൈനിങ്ങ് ഇന്ന് മോഹൻ ബഗാൻ ഔദ്യോഗികമായി പ്രഖ്യാപിച്ചു. രണ്ടു വർഷത്തെ കരാറിലാണ് താരം കൊൽക്കത്തയിലേക്കെത്തുന്നത്. താൻ അവസാന വർഷങ്ങളിൽ മോഹൻ ബഗാന്റെ കളിയും ഐ.എസ്.എല്ലും ഫോളോ ചെയ്യുന്നുണ്ടായിരുന്നെന്നും മോഹൻ ബഗാന്റെ ആരാധകരാണ് താൻ ക്ലബ്ബിൽ എത്താൻ കാരണമെന്നും താരം കരാർ ഒപ്പുവെച്ച ശേഷം പറഞ്ഞു.

ഇന്തോനേഷ്യൻ ക്ലബ്ബായ പെരിസ്ബ് ജക്കാർത്തയിൽ നിന്നാണ് റോഡ്രിഗസ് വരുന്നത്. ലാസ്പാമാസിൽ ജനിച്ച ആൽബെർട്ടോ ഇതിനുമുമ്പ് സ്പാനിഷ് ലോവർ ഡിവിഷനുകളിലായിരുന്നു കളിച്ചിരുന്നത്. കഴിഞ്ഞ സീസണിലാണ് ഇന്തോനേഷ്യയിലേക്ക് താരം എത്തിയത്. 31കാരനായ താരം മോഹൻ ബഗാന്റെ പ്രധാന സെന്റർ ബാക്കായി അടുത്ത സീസണിൽ മാച്ച് സ്‌ക്വാഡിൽ ഉണ്ടാകുമെന്ന് പ്രതീക്ഷിക്കപ്പെടുന്നു.