2024ലെ ലോക്‌സഭാ തിരഞ്ഞെടുപ്പ് വരാനിരിക്കെ സീറ്റ് വിഭജന ഫോർമുലയ്ക്ക് അന്തിമരൂപം നൽകാനുള്ള തിരക്കിലാണ് രാഷ്ട്രീയ പാർട്ടികൾ. പ്രതിപക്ഷ സഖ്യമായ ഇന്ത്യ മുന്നണിയിൽ ഇതിനകം ചർച്ചകൾ തുടങ്ങിയിട്ടുണ്ട്. ഇപ്പോഴിതാ എൻഡിഎയും യോഗങ്ങൾ  ആരംഭിച്ചിരിക്കുകയാണ്.

കഴിഞ്ഞ ഏതാനും മാസങ്ങളായി സഖ്യത്തിനുള്ളിൽ ഇതു സംബന്ധിച്ച ചർച്ചകൾ നടന്നുവരികയാണ്. കേരളമുൾപ്പെടെ വിവിധ സംസ്ഥാനങ്ങളിൽ പോലും സീറ്റ് വിഭജനം സംബന്ധിച്ച് അന്തിമ ധാരണ ഉണ്ടാക്കാനായിട്ടില്ല.

കർണാടക

28 അംഗങ്ങളെ ലോക്‌സഭയിലേക്ക് അയക്കുന്ന കർണാടകയിൽ, ബിജെപി അതിന്റെ പുതിയ സഖ്യകക്ഷിയായ ജനതാദളുമായി (സെക്കുലർ) ചർച്ച നടത്തുകയാണ്. കേന്ദ്ര ആഭ്യന്തര മന്ത്രി അമിത് ഷായുടെ വസതിയിൽ നടന്ന ആദ്യഘട്ട ചർച്ചയിൽ ജെഡി(എസ്)ന് ബിജെപി മൂന്ന് സീറ്റുകൾ വാഗ്ദാനം ചെയ്തതായി ഇന്ത്യൻ എക്‌സ്പ്രസ് വൃത്തങ്ങളെ ഉദ്ധരിച്ച് റിപ്പോർട്ട് ചെയ്തു. എന്നാൽ ജെഡിഎസ് ഇതിന് തയ്യാറായിട്ടില്ല.

ഹാസൻ, മാണ്ഡ്യ സീറ്റുകളാണ് ബിജെപി വാഗ്ദാനം ചെയ്തതെന്നാണ് റിപ്പോർട്ട്. കോലാർ, ബെംഗളൂരു റൂറൽ, തുംകൂർ എന്നിവിടങ്ങളിൽ നിന്ന് മൂന്നാമതൊരു സീറ്റും നൽകിയേക്കും. ദക്ഷിണ കർണാടകയിലെ വൊക്കലിഗ ബെൽറ്റിലാണ് ജെഡി(എസ്)ക്ക് നൽകിയ സീറ്റുകളെല്ലാം എന്നത് ശ്രദ്ധേയമാണ്. അഞ്ച് ലോക്‌സഭാ മണ്ഡലങ്ങളിൽ തിരഞ്ഞെടുപ്പിൽ മത്സരിക്കാനാണ് ജെഡി(എസ്) ആഗ്രഹിക്കുന്നത്.

2019ലെ ലോക്‌സഭാ തിരഞ്ഞെടുപ്പിൽ കർണാടകയിൽ 25 സീറ്റുകൾ നേടിയാണ് ബിജെപി വൻ മുന്നേറ്റം നടത്തിയത്. ബിജെപി പിന്തുണയുള്ള ഒരു സ്വതന്ത്രനും (മാണ്ഡ്യയിൽ നിന്നുള്ള സുമലത അംബരീഷ്) ഒരു സീറ്റ് നേടി. കോൺഗ്രസും ജെഡിഎസും ഓരോ സീറ്റ് വീതം നേടി. 2019ലെ ലോക്‌സഭാ തിരഞ്ഞെടുപ്പിൽ കോൺഗ്രസുമായി സഖ്യത്തിലാണ് ജെഡിഎസ് മത്സരിച്ചത്.

അസം

എൻഡിഎ പങ്കാളികളായ ബിജെപി, എജിപി, യുപിപിഎൽ എന്നിവ ഫെബ്രുവരിയിൽ ഇരുന്ന് സീറ്റുകളെക്കുറിച്ച് ചർച്ച ചെയ്യുമെന്ന് അസം ബിജെപി അധ്യക്ഷൻ ഭബേഷ് കലിത അടുത്തിടെ വ്യക്തമാക്കിയിരുന്നു.

അസമിൽ 14 ലോക്‌സഭാ സീറ്റുകളാണുള്ളത്, അതിൽ ഒമ്പത് ബി.ജെ.പി.യും മൂന്നെണ്ണം കോൺഗ്രസും ഓരോന്ന് വീതം എ.ഐ.യു.ഡി.എഫും ഒരു സ്വതന്ത്രനും ആണ്. ഇത്തവണ ലോക്‌സഭാ തിരഞ്ഞെടുപ്പിൽ 14ൽ 12 സീറ്റെങ്കിലും എൻഡിഎ ലക്ഷ്യമിടുന്നുണ്ടെന്നും കലിത പറഞ്ഞു.

ബീഹാർ

ബിഹാറില്‍ ആകെയുള്ള 40 ലോക്‌സഭാ സീറ്റുകളില്‍ 30 സീറ്റുകളില്‍ തനിച്ച്‌ മത്സരിക്കാനും ബാക്കി സീറ്റുകള്‍ സഖ്യകക്ഷികള്‍ക്ക് നല്‍കാനുമാണ് ബിജെപിയുടെ നീക്കമെന്നാണ് ജനുവരിയില്‍ ടൈംസ് ഓഫ് ഇന്ത്യ റിപ്പോർട്ട് ചെയ്തത്. 

ബിഹാറിൽ ലോക് ജനശക്തി പാർട്ടി (എൽജെപി), ഉപേന്ദ്ര കുശ്വാഹയുടെ രാഷ്ട്രീയ ലോക് ജനതാദൾ (ആർഎൽജെഡി), ഹിന്ദുസ്ഥാനി അവാം മോർച്ച-സെക്കുലർ എച്ച്എഎം-എസ് എന്നിവരുമായാണ് ബിജെപി സഖ്യത്തിലുള്ളത്.2019ൽ ബിജെപി വിജയിച്ച 17 സീറ്റുകളിൽ നിന്ന് സ്ഥാനാർത്ഥികളെ നിർത്തിയേക്കുമെന്ന് ഹിന്ദുസ്ഥാൻ ടൈംസ് റിപ്പോർട്ട് ചെയ്തു..

ഉത്തർപ്രദേശ്

എസ്ബിഎസ്പി അധ്യക്ഷൻ ഓം പ്രകാശ് രാജ്ഭർ ഉത്തർപ്രദേശിൽ നിന്ന് അഞ്ച് ലോക്‌സഭാ സീറ്റുകൾ ആവശ്യപ്പെട്ടതായി റിപ്പോർട്ട്. അമിത് ഷായുമായും ജെപി നദ്ദയുമായും നടത്തിയ കൂടിക്കാഴ്ചയിൽ രാജ്ഭറിന്റെ മകനും എസ്ബിഎസ്പിയുടെ മുഖ്യ വക്താവുമായ അരുൺ രാജ്ഭർ,തന്റെ പാർട്ടി, ഉത്തർപ്രദേശിലെ ഗാസിപൂർ, ബല്ലിയ, മൗ, സേലംപൂർ, ചന്ദൗലി ലോക്‌സഭാ സീറ്റുകളില്‍ മത്സരിക്കാന്‍ താല്‍പര്യപ്പെടുന്നുവെന്ന് അറിയിച്ചു.

മഹാരാഷ്ട്ര

മഹാരാഷ്ട്രയിലെ 48ൽ 26 സീറ്റുകളിലും ബിജെപി മത്സരിക്കുമെന്ന് മഹാരാഷ്ട്ര ഉപമുഖ്യമന്ത്രി ദേവേന്ദ്ര ഫഡ്‌നാവിസ് നേരത്തെ വ്യക്തമാക്കിയിരുന്നു. പിന്നീട് തീരുമാനം മാറ്റി, 2024ലെ ലോക്‌സഭാ തിരഞ്ഞെടുപ്പിനുള്ള സീറ്റ് വിഭജന ഫോർമുല സഖ്യകക്ഷികളുമായി ചർച്ച ചെയ്ത ശേഷം തീരുമാനിക്കുമെന്ന് അദ്ദേഹം പറഞ്ഞു.

2019-ലെ തിരഞ്ഞെടുപ്പിൽ മഹാരാഷ്ട്രയിലെ 41 ലോക്‌സഭാ സീറ്റുകളിൽ ബിജെപിയും ശിവസേനയും (അവിഭക്ത) മത്സരിച്ച് യഥാക്രമം 23, 18 സീറ്റുകൾ നേടി. മഹാരാഷ്ട്രയിൽ നിലവിൽ അധികാരത്തിലുള്ള മഹായുതി സഖ്യത്തിൽ മുഖ്യമന്ത്രി ഏകനാഥ് ഷിൻഡെയുടെ നേതൃത്വത്തിലുള്ള ശിവസേനയും ബിജെപിയുടെ നാഷണലിസ്റ്റ് കോൺഗ്രസ് പാർട്ടിയും (അജിത് പവാർ വിഭാഗം) ഉൾപ്പെടുന്നു.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്