ചെന്നൈ: കുടുംബാസൂത്രണ പദ്ധതി നടപ്പിലാക്കിയതിനാല്‍ തമിഴ്നാട്ടില്‍ നിന്നും പാര്‍ലമെന്റ് സീറ്റുകള്‍ കുറയാന്‍ സാധ്യതയുണ്ടെന്ന് തമിഴ്നാട് മുഖ്യമന്ത്രി എംകെ സ്റ്റാലിന്‍.

'ഞങ്ങള്‍ അത് കൃത്യമായി പിന്തുടര്‍ന്നതിനാല്‍, അതിര്‍ത്തി നിര്‍ണയത്തിന്റെ ഭാഗമായി പാര്‍ലമെന്റ് സീറ്റുകളുടെ എണ്ണം കുറയ്ക്കുന്ന സാഹചര്യമുണ്ട്.' കൊളത്തൂരില്‍ ഒരു മുതിര്‍ന്ന പാര്‍ട്ടി പ്രവര്‍ത്തകന്റെ വിവാഹത്തില്‍ പങ്കെടുക്കവെ ഡിഎംകെ മേധാവി പറഞ്ഞു.

39 ലോക്സഭാ സീറ്റുകളുള്ള തമിഴ്നാട് മണ്ഡല പുനര്‍നിര്‍ണയത്തിന് ശേഷം അവയുടെ എണ്ണം കുറയ്ക്കുന്നതിനെ ശക്തമായി എതിര്‍ത്തു വരികയാണ്. 2026ലാണ് സംസ്ഥാനം നിയമസഭാ തിരഞ്ഞെടുപ്പിന് സാക്ഷ്യം വഹിക്കുന്നത്.

കഴിഞ്ഞ വര്‍ഷം ഒക്ടോബറില്‍, മണ്ഡല പുനര്‍നിര്‍ണയത്തില്‍ ആശങ്ക പ്രകടിപ്പിച്ച് സ്റ്റാലിന്‍ തന്റെ സംസ്ഥാനത്തെ ജനങ്ങളോട് കൂടുതല്‍ കുട്ടികള്‍ക്ക് ജന്‍മം നല്‍കാന്‍ ആവശ്യപ്പെട്ടിരുന്നു.

2023-ല്‍, ഡീലിമിറ്റേഷനെ ഡെമോക്ലീഷ്യസിന്റെ വാള്‍ എന്ന് വിളിച്ച സ്റ്റാലിന്‍, പാര്‍ലമെന്റിലെ തങ്ങളുടെ പ്രാതിനിധ്യം വെട്ടിക്കുറയ്ക്കുമെന്ന  ദക്ഷിണേന്ത്യന്‍ സംസ്ഥാനങ്ങളുടെ ആശങ്ക ഇല്ലാതാക്കാന്‍ പ്രധാനമന്ത്രി നരേന്ദ്ര മോദിയോട് അഭ്യര്‍ത്ഥിച്ചിരുന്നു. ജനസംഖ്യാ വര്‍ധനവ് നിയന്ത്രിക്കുന്നതിനുള്ള കേന്ദ്രസര്‍ക്കാരിന്റെ നയങ്ങള്‍ ശുഷ്‌കാന്തിയോടെ പിന്തുടരുന്ന ദക്ഷിണേന്ത്യന്‍ സംസ്ഥാനങ്ങള്‍ മണ്ഡല നിര്‍ണ്ണയ വേളയില്‍ ശിക്ഷാ നടപടികള്‍ നേരിടേണ്ടിവരുന്നത് അന്യായമാണെന്നും അദ്ദേഹം പറഞ്ഞു.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്