ചെന്നൈ: വിരുദുനഗറില് ബിജെപിക്ക് വേണ്ടി മത്സരിക്കുന്നത് നടി രാധിക ശരത് കുമാര് എന്ന് റിപ്പോർട്ട്. ഇന്ന് സ്ഥാനാര്ത്ഥി പട്ടിക പുറത്തിറക്കിയതോടെ ആണ് ഇക്കാര്യത്തിൽ സ്ഥിരീകരണമായത്.
തമിഴ് സൂപ്പര് താരമായിരുന്ന വിജയകാന്തിന്റെ മകൻ വിജയ പ്രഭാകരനെയാണ് രാധിക വിരുദുനഗറില് എതിരിടുന്നത് എന്നാണ് പുറത്തു വരുന്ന റിപ്പോർട്ട്. ആഴ്ചകള്ക്ക് മുമ്പാണ് ശരത് കുമാറിന്റെ പാര്ട്ടി 'ഓള് ഇന്ത്യ സമത്വ മക്കള് കക്ഷി' ബിജെപിയില് ലയിച്ചത്. ഇതിന് മുമ്പ് മോദിയുടെ കന്യാകുമാരി റാലിയില് തന്നെ ശരത് കുമാറും രാധികയും പങ്കെടുത്തിരുന്നു.
അതേസമയം വിജയകാന്തിന്റെ മരണശേഷം അദ്ദേഹത്തിന്റെ ഡിഎംഡികെ ആദ്യമായി ഒരു തെരഞ്ഞെടുപ്പ് നേരിടുകയാണ്. വിജയകാന്തിന്റെ മകൻ വിജയ പ്രഭാകരൻ തന്നെ നേരിട്ട് മത്സരത്തിനിറങ്ങുകയാണ് വിരുദുനഗറില്. അമ്മയും പാര്ട്ടി ജനറല് സെക്രട്ടറിയുമായ പ്രേമലത വിജയകാന്തിനൊപ്പമെത്തിയാണ് വിജയ പ്രഭാകരൻ ബുധനാഴ്ച നാമനിര്ദേശ പത്രിക സമര്പ്പിച്ചത്.
വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ
ഇവിടെ ക്ലിക്ക് ചെയ്യുക
.
വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .
ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.
യൂട്യൂബ് ചാനൽ:വാചകം ന്യൂസ്
.jpg)
-20260302012446.jpeg)
-20260317114153.jpg)
-11-20260113024610.webp)
