'എന്റെ കയ്യിൽനിന്ന് 22 ലക്ഷം രൂപ വാങ്ങി; എന്നിട്ടും പ്രിയങ്കയുടെ വാഹനത്തിൽ കയറ്റിയില്ല'; പരാതികൾ എണ്ണി പറഞ്ഞു പത്മജ

MARCH 11, 2024, 1:04 PM

കോൺഗ്രസിനെതിരെ വീണ്ടും ആരോപണവുമായി പത്മജ. കഴിഞ്ഞ ലോക്സഭാ തിരഞ്ഞെടുപ്പു പ്രചാരണത്തിനായി തന്റെ കയ്യിൽ നിന്നു 22 ലക്ഷം രൂപ അന്നു ഡിസിസി പ്രസഡിന്റായിരുന്ന എം.പി. വിൻസന്റ് വാങ്ങി എന്നും എന്നിട്ടു പ്രിയങ്കാ ഗാന്ധിയുടെ റോഡ് ഷോയില്‍ വാഹനത്തിൽപ്പോലും കയറ്റിയില്ല എന്നുമാണ് പത്മജയുടെ ആരോപണം.

അതേസമയം ഇക്കാര്യങ്ങളെല്ലാം ചൂണ്ടിക്കാട്ടി സോണിയ ഗാന്ധിക്കും രാഹുൽ ഗാന്ധിക്കും കത്തയച്ചു എന്നും അവർ വ്യക്തമാക്കി. കെപിസിസി പ്രസിഡന്റ് കെ.സുധാകരൻ മാത്രമാണ് ആത്മാർഥമായി പെരുമാറിയത്. ബിജെപി ഒരിക്കലും വർഗീയ പാർട്ടിയാണെന്നു തോന്നിയിട്ടില്ല എന്നും പത്മജ വ്യക്തമാക്കി.

ചാനലുകളിലിരുന്ന് നേതാക്കളായവരാണ് ഇപ്പോഴത്തെ യൂത്ത് കോൺഗ്രസുകാർ. അവർ പറഞ്ഞാൽ തനിക്കു പുച്ഛമാണെന്നും പത്മജ പ്രതികരിച്ചു. ‌തൃശൂർ∙ വടകരയിൽ മത്സരിച്ചാൽ കെ. മുരളീധരൻ ജയിക്കുമായിരുന്നു എന്നും എന്തിനാണ് അദ്ദേഹത്തെ തൃശൂരിൽ കൊണ്ട് നിർത്തിയതെന്ന് മനസിലാവുന്നില്ല എന്നും തൃശൂരിൽ കാലു വാരാൻ ഒരുപാട് പേരുണ്ടെന്നും പത്മജ പ്രതികരിച്ചു.