ന്യൂഡൽഹി: ലോക്‌സഭാ തെരഞ്ഞെടുപ്പിന് രാജ്യത്ത് ആരവമുയർന്നു. ഏഴ് ഘട്ടങ്ങളിലായി നടക്കുന്ന വോട്ടെടുപ്പ് ഏപ്രിൽ 19ന് ആരംഭിക്കും.വോട്ടെടുപ്പ് ജൂൺ 1 വരെ തുടരും.വിധി അറിയാനുള്ള കാത്തിരിപ്പ് ജൂൺ 4 വരെ തുടരണം.

ലോക്സഭ തെരഞ്ഞെടുപ്പിനൊപ്പം നാല് സംസ്ഥാനങ്ങളിലെ നിയമസഭ തെരഞ്ഞെടുപ്പും എട്ട് സംസ്ഥാനങ്ങളിലെ 26 നിയമസഭ സീറ്റുകളിൽ ഉപതെരഞ്ഞെടുപ്പും നടക്കും. ഇവയുടെ ഫലവും ജൂൺ നാലിനാണ് പ്രഖ്യാപിക്കുക.

ലോക്‌സഭാ തിരഞ്ഞെടുപ്പ് തീയതി പ്രഖ്യാപിച്ചതു മുതൽ രാജ്യത്ത് മാതൃകാ പെരുമാറ്റച്ചട്ടം നിലവിൽ വന്നു.   തിരഞ്ഞെടുപ്പ് പ്രക്രിയയെ തടസ്സപ്പെടുത്തുന്ന നാല് 'എം' Muscle (കൈക്കരുത്ത്), Money (പണം), Misinformation (വ്യാജ പ്രചാരണം), Model Code violations (മാതൃകാ പെരുമാറ്റച്ചട്ട ലംഘനം) എന്നീ നാല് 'M' കൾക്ക് പ്രധാന്യം നൽകിയായിരുന്നു തിരഞ്ഞെടുപ്പ് പ്രഖ്യാപനം.

ഇത് ആവർത്തിച്ചാൽ കർശന നടപടി സ്വീകരിക്കുമെന്ന് കമ്മീഷൻ മുന്നറിയിപ്പ് നൽകി. രാഷ്ട്രീയ പാർട്ടികൾക്കുള്ള മാർഗനിർദേശങ്ങളും തിരഞ്ഞെടുപ്പ് കമ്മീഷൻ പുറപ്പെടുവിച്ചിട്ടുണ്ട്. 

1. ഭിന്നിപ്പിക്കുന്നതിനു പകരം പ്രചോദനം നൽകുന്ന രാഷ്ട്രീയ ചർച്ചകൾ പ്രോത്സാഹിപ്പിക്കുക.
   
2. വിഷയാധിഷ്ഠിത പ്രചാരണം നടത്തുക.
3. വിദ്വേഷ പ്രസംഗങ്ങൾ പാടില്ല.
4. ജാതിയോ മതമോ പറഞ്ഞ് വോട്ട് തേടരുത്.
5. വ്യക്തിജീവിതത്തിലെ കാര്യങ്ങളിൽ വിമർശനം പാടില്ല.
6. മുൻപത്തെ പെരുമാറ്റച്ചട്ട ലംഘനങ്ങളും പരിശോധിക്കും.
7. സ്ഥിരീകരിക്കാത്തതും തെറ്റിദ്ധരിപ്പിക്കുന്നതുമായ പ്രചരണങ്ങളിൽനിന്ന് വിട്ടുനിൽക്കുക.
8. പാ‌ർട്ടി/സ്ഥാനാർഥിയുടെ പ്രചാരണ ഉള്ളടക്കങ്ങൾ വാ‌ർത്തയെന്ന നിലയിൽ മാധ്യമങ്ങളിലൂടെ അവതരിപ്പിക്കരുത്.
9. എതിരാളികളെ അധിക്ഷേപിക്കുന്ന സോഷ്യൽ മീഡിയ പോസ്റ്റുകൾക്ക് നിയന്ത്രിക്കുക.
10. പ്രചാരണത്തിലെ മാന്യത നിലനിർത്തേണ്ടത് താരപ്രചാരകരുടെ ഉത്തരവാദിത്തമാണ്.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്