കടലിടുക്ക് അടച്ചാൽ ഇറാന് സ്വന്തമായി ഒരു രാജ്യം പോലുമില്ലാതാക്കുമെന്ന് ട്രംപിന്റെ മുന്നറിയിപ്പ്: അമേരിക്ക -ഇറാൻ ചർച്ചകളിൽ പ്രതിസന്ധി

JUNE 22, 2026, 5:44 AM

വാഷിങ്ടൺ ഡി.സി : ഇറാനുമായി സ്വിറ്റ്‌സർലൻഡിൽ സമാധാന ചർച്ചകൾ പുരോഗമിക്കുന്നതിനിടെ, കടുത്ത ഭീഷണിയുമായി അമേരിക്കൻ പ്രസിഡന്റ് ഡൊണാൾഡ് ട്രംപ് രംഗത്തെത്തി. ഇസ്രായേൽലെബനൻ സംഘർഷങ്ങളുടെ പശ്ചാത്തലത്തിൽ ഇറാൻ 'ഹോർമുസ് കടലിടുക്ക് ' അടച്ചതാണ് ട്രംപിനെ ചൊടിപ്പിച്ചത്.

കടലിടുക്ക് അടച്ചാൽ ഇറാന് സ്വന്തമായി ഒരു രാജ്യം പോലുമില്ലാതാക്കുമെന്നും, ലെബനനിലെ തങ്ങളുടെ പ്രോക്‌സി ഗ്രൂപ്പുകളെ ഇറാൻ നിയന്ത്രിച്ചില്ലെങ്കിൽ ശക്തമായ ആക്രമണം നേരിടേണ്ടിവരുമെന്നും ട്രംപ് മുന്നറിയിപ്പ് നൽകി. ട്രംപിന്റെ ഈ പരാമർശത്തിൽ പ്രതിഷേധിച്ച് ഇറാൻ പ്രതിനിധികൾ ചർച്ചയിൽ നിന്ന് താൽക്കാലികമായി ഇറങ്ങിപ്പോയി.

ഇറാനുമായി ഒരു പുതിയ തുടക്കമാണ് ലക്ഷ്യമിടുന്നതെന്ന് വൈസ് പ്രസിഡന്റ് ജെ.ഡി. വാൻസ് വ്യക്തമാക്കിയതിന് തൊട്ടുപിന്നാലെയാണ് ട്രംപിന്റെ ഈ ഭീഷണി. അതേസമയം, ഖത്തറിന്റെയും പാകിസ്താന്റെയും മധ്യസ്ഥതയിൽ ഇരുരാജ്യങ്ങളും തമ്മിലുള്ള സാങ്കേതിക ചർച്ചകൾ ഈ ആഴ്ചയും തുടരുമെന്നാണ് വിവരം.