കഴിഞ്ഞ 6 വർഷമായി ന്യൂയോർക്കിലെ റോക്‌ലാൻഡ് ക്‌നാനായ സെന്റ്‌മേരീസ് കത്തോലിക്ക  പള്ളിയുടെ വികാരി ആയിരുന്ന റവ. ഫാ. ഡോക്ടർ ബിബി തറയിലിന് ഇടവക സമൂഹം ഊഷ്മളമായ യാത്രയപ്പ് നൽകി. ന്യൂജേഴ്‌സി ഫിലാഡൽഫിയ ക്‌നാനായ പള്ളികളുടെ ചുമതകാരനായി മാറുന്ന ബിബി അച്ചന് സ്‌നേഹോഷ്മളമായ യാത്രയപ്പാണ് റോക്‌ലാൻഡ് ഇടവക സമൂഹം നൽകിയത്.

2019ൽ റോക്‌ലാൻഡ് ഇടവകയിൽ എത്തുമ്പോൾ ധാരാളം പ്രതിസന്ധികളെ ഇടവക സമൂഹം നേരിട്ടിരുന്നു. വലിയ മോർട്ടഗേജ് പൂർത്തിയാകാത്ത നിർമാണ പ്രവർത്തനങ്ങൾ എല്ലാം ഒന്നായി മറികടന്നു സ്വയം പര്യാപ്തയിൽ എത്തിച്ചു എന്ന് മാത്രമല്ല സാമ്പത്തികമായി മിച്ച ബഡ്ജറ്റിൽ ഇടവകയെ എത്തിച്ചു. റോക്‌ലാന്റിൽ ഈ ചെറിയ സമൂഹം ബഹു. ബിബി അച്ചന്റെ നേതൃത്വത്തിൽ കേരളത്തിൽ നിസ്സഹരായ കുടുംബങ്ങൾക്ക് 5 വീടുകൾ നിർമ്മിച്ചു നൽകി. കൂടാതെ റാഫേൽ തട്ടിൽ പിതാവിന്റെ സ്‌നേഹ നിർദ്ദേശം മാനിച്ചു ഉത്തരേന്ത്യയിലെ ഷംഷാബാദ് രൂപതക്ക് രണ്ടു ദേവാലയങ്ങൾ പണിതു നൽകി.

ബിബി അച്ചന്റെ ശുശ്രുഷ കാലത്തു ഇടവകയുടെ അംഗബലം ഇരട്ടിയായി വർധിച്ചു. എല്ലാ ഗ്രേഡുകളിലേക്കും സൺഡേ സ്‌കൂൾ സജീവമായി. അങ്ങനെ ആത്മീയമായും ഭൗതികമായും ഇടവകക്ക് ഒരു അടിത്തറ പാകി. ഇടവക ട്രസ്റ്റി സിബി മണലേൽ എല്ലാവർക്കും സ്വാഗതം പറഞ്ഞു. കോ - ഓർഡിനേറ്റർ തോമസ് പാലച്ചേരിൽ ആമുഖപ്രസംഗം നടത്തി.

ബഹുമാനപ്പെട്ട വൈദികരും കന്യസ്ത്രീകളടക്കം നിരവധിപേർ യാത്രയപ്പ് യോഗത്തിൽ സന്നിഹിദരായിരുന്നു. ഫാദർ ജോർജ് ഉണ്ണുണ്ണി, ബിജു ഒരപ്പാങ്കൽ, ആഷ മൂലേപ്പറമ്പിൽ (സി.സി.ഡി പ്രിൻസിപ്പാൾ), സനു കൊല്ലറേട്ടു (കെ.സി. എം കോർഡിനേറ്റർ), സൈന മച്ചാനിക്കൽ, അമ്മിണി കുളങ്ങര (സീനിയർ ഫോറം), ജോസ് എന്നിവർ ആശംസകൾ അർപ്പിച്ചു. കുരിയൻ ചാലു പറമ്പിൽ (ഇടവക സെക്രട്ടറി) എല്ലാവർക്കും നന്ദി പറഞ്ഞു.

ഇടവകയുടെ ഉപഹാരം പാരിഷ് എക്‌സിക്യൂട്ടീവ് ബഹു. ബിബി അച്ചന് നൽകി. മറുപടി പ്രസംഗത്തിൽ റവ. ഫാ. ഡോക്ടർ ബിബി തറയിൽ എല്ലാവരോടുമുള്ള നന്ദി അറിയിച്ചു. സ്‌നേഹ വിരുന്നോടെ  യാത്രയയപ്പ് മീറ്റിങ് പര്യവസാനിച്ചു.

ജസ്റ്റിൻ ചാമക്കാല

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്