ഡാളസ് സിറ്റിവൈഡ് ഫെലോഷിപ്പിന്റെ ആഭിമുഖ്യത്തിൽ സൺഡേ സ്‌കൂൾ സെമിനാർ മെയ് 23ന്

MAY 20, 2026, 2:06 PM

ഡാളസ്: ഡാളസ് സിറ്റിവൈഡ് ഫെലോഷിപ്പിന്റെ ആഭിമുഖ്യത്തിൽ സൺഡേ സ്‌കൂൾ അധ്യാപകർക്കും കുട്ടികളുടെ ശുശ്രൂഷാ രംഗത്ത് താല്പര്യമുള്ളവർക്കുമായി പ്രത്യേക സെമിനാർ സംഘടിപ്പിക്കുന്നു. 'സൺഡേ സ്‌കൂൾ ഒരു ദൗത്യം: അടുത്ത തലമുറയ്ക്കായി ഒരുമിച്ച്' എന്നതാണ് ഈ വർഷത്തെ ചിന്താവിഷയം. മെയ് 23 ശനിയാഴ്ച രാവിലെ 10:00 മണി മുതൽ വൈകിട്ട് 3:30 വരെ റൗലറ്റിലുള്ള ക്രോസ്‌വ്യൂ ചർച്ച് ഓഫ് ഗോഡ് സഭയിൽ വെച്ചാണ് പരിപാടി ക്രമീകരിച്ചിരിക്കുന്നത്.

കുട്ടികളുടെയും കൗമാരക്കാരുടെയും ആത്മീയവും മാനസികവുമായ വളർച്ചയെപ്പറ്റിയും, ഇന്നത്തെ ആധുനിക സംസ്‌കാരത്തിൽ അവരെ എങ്ങനെ സൽവഴിയിൽ നടത്തണം എന്നതിനെക്കുറിച്ചും ശാസ്ത്രീയവും ദൈവശാസ്ത്രപരവുമായ മേഖലകളിൽ പ്രശസ്തരായവർ ക്ലാസുകൾ നയിക്കുന്നതാണ്.

ഡോ. തോമസ് ഇടിക്കുള (മോഡറേറ്റർ), ഡോ. സുശീൽ മാത്യു, ഡോ. ജെപ്‌സിൻ മാലിയിൽ എന്നിവരെ കൂടാതെ പ്രാദേശിക സഭകളിൽ നിന്നുള്ള പ്രഗത്ഭരും വിവിധ സെഷനുകൾക്ക് നേതൃത്വം നൽകും.

'അടുത്ത തലമുറയെ ക്രിസ്തീയ മൂല്യങ്ങളിൽ വളർത്തിയെടുക്കുക, 'പുതിയ കാലഘട്ടത്തിലെ പാഠ്യപദ്ധതികളും അധ്യാപന രീതികളും', 'കുട്ടികളുടെ പ്രത്യേക ആവശ്യങ്ങൾ തിരിച്ചറിയുക', 'ഇന്നത്തെ സംസ്‌കാരത്തിൽ എങ്ങനെ ഫലപ്രദമായി പഠിപ്പിക്കാം' തുടങ്ങിയ പ്രധാന വിഷയങ്ങളാണ് സെമിനാറിൽ ചർച്ച ചെയ്യപ്പെടുന്നത്.

സൺഡേ സ്‌കൂൾ അധ്യാപകർ, പാസ്റ്റർമാർ, മാതാപിതാക്കൾ, സഭാ നേതാക്കൾ തുടങ്ങി താല്പര്യമുള്ള ഏവർക്കും ഈ സെമിനാറിൽ പങ്കെടുക്കാവുന്നതാണ്. രജിസ്‌ട്രേഷൻ തികച്ചും സൗജന്യമാണ്. സെമിനാറിൽ പങ്കെടുക്കുവാൻ താൽപ്പര്യമുള്ളവർക്ക് താഴെ പറയുന്ന ലിങ്ക് വഴിയോ Dallasctiywide.org എന്ന വെബ്‌സൈറ്റ് സന്ദർശിച്ചോ പേര് രജിസ്റ്റർ ചെയ്യാവുന്നതാണ്. മെയ് 21നു മുമ്പായി രജിസ്റ്റർ ചെയ്യുക.

രജിസ്റ്റർ ചെയ്യേണ്ട ലിങ്ക്: https://tinyurl.com/DCF-Seminar2026

പങ്കെടുക്കുന്ന ഏവർക്കും ഉച്ചഭക്ഷണം ക്രമീകരിച്ചിട്ടുണ്ടെന്ന് ഭാരവാഹികൾ അറിയിച്ചു.

സെമിനാറിനെക്കുറിച്ചുള്ള കൂടുതൽ വിവരങ്ങൾക്ക് താഴെ പറയുന്നവരുമായി ബന്ധപ്പെടുക:
തോമസ് മുല്ലയ്ക്കൽ (ചെയർമാൻ) 214-223-1194, എസ്.പി. ജെയിംസ് (സെക്രട്ടറി) 214-334-6962

രാജൂ തരകൻ