ശൈഖ് അബൂബക്കർ ഫൗണ്ടേഷൻ; സ്‌കോളർ സ്പാർക്ക് പരീക്ഷ ഫലം നാളെ (എപ്രിൽ 7)

APRIL 6, 2026, 8:43 AM

യോഗ്യത നേടുന്നവർ ഫെല്ലോഷിപ്പിനായുള്ള അഭിമുഖത്തിൽ പങ്കെടുക്കും (ഹൈലൈറ്റ്)

കോഴിക്കോട് : ശൈഖ് അബൂബക്കർ (എസ്.എ) ഫൗണ്ടേഷൻ എട്ടാം ക്ലാസിലെ വിദ്യാർത്ഥികൾക്ക് വേണ്ടി ദേശീയ അടിസ്ഥാനത്തിൽ സംഘടിപ്പിച്ച സ്‌കോളർ സ്പാർക്ക് ടാലന്റ് ഹണ്ട് പരീക്ഷയുടെ ഫലം നാളെ പ്രഖ്യാപിക്കും. വൈകിട്ട് 5 മണി മുതൽ www.safoundation.in എന്ന വെബ്‌സൈറ്റിലാണ് ഫലം ലഭ്യമാവുന്നത്. പരീക്ഷയിൽ യോഗ്യത നേടുന്ന വിദ്യാർത്ഥികൾക്ക് അടുത്ത ആഴ്ചകളിൽ നടക്കുന്ന അഭിമുഖത്തിൽ പങ്കെടുക്കാനാവും. അഭിമുഖത്തിലും വിജയിക്കുന്നവരെയാണ് ഫെലോസ് ആയി തിരഞ്ഞെടുക്കുക.

ഇക്കഴിഞ്ഞ ഫെബ്രുവരിയിലാണ് കേരളത്തിലും മറ്റു സംസ്ഥാനങ്ങളിലും കേന്ദ്ര ഭരണ പ്രദേശങ്ങളിലും ശൈഖ് അബൂബക്കർ ഫൗണ്ടേഷൻ എട്ടാം ക്ലാസിലെ കുട്ടികൾക്ക് വേണ്ടി പരീക്ഷ സംഘടിപ്പിച്ചത്. ഹിന്ദിയിലും മലയാളത്തിലും ഇംഗ്ലീഷിലുമായി നടന്ന പരീക്ഷയിൽ പതിനായിരത്തോളം വിദ്യാർത്ഥികൾ പങ്കെടുത്തിരുന്നു. പരീക്ഷയിലും അഭിമുഖത്തിലും വിജയിച്ച് സെലക്ട് ചെയ്യുന്ന വിദ്യാർത്ഥികൾക്ക് സ്‌കോളർഷിപ്പിന് പുറമെ മെന്റർഷിപ്പും ഗൈഡൻസും നൽകും.