ആസൂത്രണ ബോർഡ് പരീക്ഷാ ക്രമക്കേട്: ചോദ്യങ്ങൾ ഒഴിവാക്കിയതിൽ പങ്കില്ലെന്ന് ആർ ഹരി

NOVEMBER 4, 2026, 9:28 PM

തിരുവനന്തപുരം: ആസൂത്രണ ബോർഡ് പരീക്ഷയിൽ 10 ചോദ്യങ്ങൾ മൂല്യനിർണയം നടത്താത്തതിൽ തനിക്ക് പങ്കില്ലെന്ന് അഡീഷണൽ സെക്രട്ടറി ആർ ഹരി. പി എസ് സി പരീക്ഷാ ക്രമക്കേടുമായി ബന്ധപ്പെട്ട് ഇത് രണ്ടാംതവണയാണ് പി എസ് സി സെക്രട്ടറി പി എസ് സി ചെയർമാനെതിരേ മൊഴി നൽകുന്നത്.

ഈ മൊഴി ക്രൈംബ്രാഞ്ച് വിശ്വാസത്തിലെടുത്തിട്ടില്ല. പി എസ് സി ചെയർമാൻ എം ആർ ബൈജുവിൻറെ ഏകപക്ഷീയമായ തീരുമാനങ്ങൾ ക്രമക്കേടുകൾക്ക് വഴിവച്ചു എന്നാണ് ക്രൈംബ്രാഞ്ചിൻറെ നിഗമനം

ചോദ്യങ്ങൾ തയ്യാറാക്കിയ പാനലും മൂല്യനിർണയം നടത്തുന്നവരെ തീരുമാനിച്ചതും ചെയർമാൻ ആണെന്നാണ് പി എസ് സി അംഗങ്ങളുടെ മൊഴി. ഏകപക്ഷീയ ഇടപെടൽ ഉണ്ടായെന്നാണ് അംഗങ്ങളുടെ മൊഴി. പി എസ് സി ചെയർമാനെ വീണ്ടും ചോദ്യം ചെയ്യും.