ലാനയുടെ പുസ്തക ചർച്ച - വിനോദ് കൃഷ്ണയുടെ 'ലീക്ക് 86'

APRIL 20, 2026, 10:08 PM

ലിറ്റററി അസോസിയേഷൻ ഓഫ് നോർത്ത് അമേരിക്ക (ലാന) സംഘടിപ്പിക്കുന്ന പ്രതിമാസ സാഹിത്യ ചർച്ച ഏപ്രിൽ 25 ശനിയാഴ്ച നടക്കും. പ്രശസ്ത നോവലിസ്റ്റ് വിനോദ് കൃഷ്ണയുടെ ഡി.സി. ബുക്ക്‌സ് പ്രസിദ്ധീകരിച്ച ഏറ്റവും പുതിയ നോവൽ 'ലീക്ക് 86' ആണ് ചർച്ച ചെയ്യപ്പെടുന്നത്.
'9 mm ബെരേറ്റ' എന്ന ശ്രദ്ധേയമായ നോവലിന് ശേഷം വിനോദ് കൃഷ്ണ രചിച്ച പുതിയ നോവലാണ് 'ലീക്ക് 86',

എൺപതുകളിലെ കേരളീയ സാമൂഹ്യ ജീവിതം ക്രിയാത്മകമായി ആവിഷ്‌കരിക്കുന്ന കൃതിയാണിത്. നൈതികതയുള്ള മനുഷൃരും അധികാരഭ്രാന്തും തമ്മിലുള്ള കലഹം മിത്തും യഥാർത്ഥ്യവും ഇടകലർത്തി പൊള്ളിക്കുന്ന അനുഭവമാക്കുന്നു. നിലവിലെ നോവൽ സങ്കല്പങ്ങളെ അട്ടിമറിക്കുന്ന അഖ്യാനമാണ് ഈ നോവലിനുള്ളത്.

സങ്കടങ്ങൾ അല്ല നിസ്സഹായയാണ് മനുഷ്യന്റെ സ്ഥായിഭാവം എന്ന് സ്ഥാപിക്കുന്ന രചനയാണിത്. മലയാളത്തിലെ ലക്ഷണമൊത്ത കോൺസ്പിറസി തിയറി നോവലാണിത്. ശനിയാഴ്ച രാവിലെ 10 മണിക്ക് (CST) സൂം (Zoom) പ്ലാറ്റ്‌ഫോമിലാണ് സമ്മേളനം നടക്കുന്നത്. വായനക്കാരനും നിരൂപകനുമായ അഭിലാഷ് ചിറ്റത്തുക്കാട്ടിൽ നോവൽ പരിചയപ്പെടുത്തി സംസാരിക്കും.

തുടർന്ന് നടക്കുന്ന സംവാദത്തിൽ നോവലിസ്റ്റ് വിനോദ് കൃഷ്ണ നേരിട്ട് പങ്കെടുത്ത് എഴുത്തനുഭവം പങ്കുവയ്ക്കുകയും, വായനക്കാരുടെ ചോദ്യങ്ങൾക്ക് മറുപടി നൽകുകയും ചെയ്യും.
പ്രമേയത്തിലും അവതരണത്തിലും പുതുമയാർന്ന ഈ കൃതിയെക്കുറിച്ച് കൂടുതൽ അറിയുവാനും ചർച്ചകളിൽ സജീവമായി പങ്കെടുക്കാനും എല്ലാ സാഹിത്യപ്രേമികളെയും ക്ഷണിക്കുന്നതായി ലാന ഭാരവാഹികൾ അറിയിച്ചു.

കൂടുതൽ വിവരങ്ങൾ 214-435-0124 സാമുവേൽ പനവേലി (പ്രസിഡന്റ്), 347-204-0062 നിർമ്മല ജോസഫ് (മാലിനി) (സെക്രട്ടറി), 469-274-6501 ഷാജു ജോൺ (പ്രോഗ്രാം കമ്മറ്റി ചെയർമാൻ) എന്നിവരിൽ നിന്നും ലഭിക്കും

Zoom Meeting ID: 831-2865-6132