അമേരിക്കയും കാനഡയും തമ്മിൽ നിലനിൽക്കുന്ന വ്യാപാര തർക്കങ്ങൾ പുതിയ യുദ്ധസമാനമായ അന്തരീക്ഷത്തിലേക്ക് വഴിമാറിയിരിക്കുകയാണ്. കനേഡിയൻ ഉൽപ്പന്നങ്ങൾക്ക് മേൽ അമേരിക്ക ചുമത്തിയ വൻ നികുതിക്ക് അതേ നാണയത്തിൽ പ്രത്യാക്രമണം പ്രഖ്യാപിച്ചിരിക്കുകയാണ് കാനഡ. 20 ബില്യൺ ഡോളറിലധികം (ഏകദേശം 27.6 ബില്യൺ കനേഡിയൻ ഡോളർ) മൂല്യമുള്ള അമേരിക്കൻ ഉൽപ്പന്നങ്ങൾക്ക് മേൽ കാനഡ തിരിച്ചടി നികുതി പ്രഖ്യാപിച്ചു.

യുഎസ് പ്രസിഡന്റ് ഡൊണാൾഡ് ട്രംപിന്റെ പുതിയ വ്യാപാര നയങ്ങളും അന്യായമായ നിബന്ധനകളും കാനഡയുടെ വ്യവസായങ്ങളെ തകർക്കാൻ ലക്ഷ്യമിട്ടട്ടുള്ളതാണെന്ന് പ്രധാനമന്ത്രി മാർക്ക് കാർണി ആരോപിച്ചു. അമേരിക്കയുടെ ഭീഷണികൾക്ക് മുന്നിൽ പതറില്ലെന്നും കനേഡിയൻ തൊഴിലാളികളെയും കർഷകരെയും സംരക്ഷിക്കാൻ ഏത് അടിയന്തിര നടപടിയും കൈക്കൊള്ളുമെന്നും അദ്ദേഹം വ്യക്തമാക്കി.

ഇരുരാജ്യങ്ങളും തമ്മിൽ ആഴ്ചകളോളം നടന്ന ഉഭയകക്ഷി വ്യാപാര ചർച്ചകൾ പൂർണ്ണമായി പരാജയപ്പെട്ടതിന് തൊട്ടുപിന്നാലെയാണ് കാനഡയുടെ ഈ പുതിയ നീക്കം. കാനഡ നിർമ്മിക്കുന്ന വാഹനങ്ങൾക്കും സ്റ്റീലിനും വൻതോതിൽ ഇറക്കുമതി തീരുവ കൂട്ടാൻ അമേരിക്ക നീക്കം നടത്തിയിരുന്നു. രാജ്യത്തിന്റെ പരമാധികാരത്തെയും സ്വാഭിമാനത്തെയും ബാധിക്കുന്ന വ്യവസ്ഥകളിൽ ഒപ്പിടാൻ സാധിക്കില്ലെന്ന് മാർക്ക് കാർണി തുറന്നടിച്ചു.

അമേരിക്കൻ സ്റ്റീൽ, അലുമിനിയം ഉൽപ്പന്നങ്ങൾക്ക് 50 ശതമാനം വരെ കനത്ത നികുതിയാണ് ക കാനഡ ഏർപ്പെടുത്തിയിരിക്കുന്നത്. ഇതിന് പുറമെ അമേരിക്കയിൽ നിന്ന് ഇറക്കുമതി ചെയ്യുന്ന പാലുൽപ്പന്നങ്ങൾ, കാർഷിക ഉപകരണങ്ങൾ, ഇലക്ട്രോണിക്സ് ഉൽപ്പന്നങ്ങൾ എന്നിവയ്ക്കും 25 ശതമാനം വരെ അധിക തീരുവ ഈടാക്കും.

അമേരിക്കയിൽ നിർമ്മിക്കുന്ന ചരക്കുകൾക്ക് പുതിയ തീരുവ പ്രാബല്യത്തിൽ വരുന്നതോടെ ഇരുരാജ്യങ്ങളിലെയും വിപണികളിൽ വലിയ വിലക്കയറ്റത്തിന് സാധ്യതയുണ്ട്. കാനഡയിൽ നിന്നുള്ള തന്ത്രപ്രധാന ഉൽപ്പന്നങ്ങൾക്ക് അമേരിക്ക തടസ്സങ്ങൾ സൃഷ്ടിച്ചതാണ് വ്യാപാര ബന്ധം കൂടുതൽ വഷളാക്കിയത്.

തങ്ങളുടെ നിർമ്മാണ മേഖലയെയും സാമ്പത്തിക രംഗത്തെയും സംരക്ഷിക്കുന്നതിനായി വൻ സാമ്പത്തിക സഹായ പദ്ധതികളും കനേഡിയൻ സർക്കാർ പ്രഖ്യാപിച്ചിട്ടുണ്ട്. തദ്ദേശീയ വ്യവസായങ്ങൾ നേരിടുന്ന പ്രതിസന്ധി മറികടക്കാൻ ബില്യൺ കണക്കിന് ഡോളറിന്റെ പിന്തുണ കാനഡ ഉറപ്പുനൽകുന്നു.

വടക്കേ അമേരിക്കൻ ഭൂഖണ്ഡത്തിലെ പ്രധാന സാമ്പത്തിക പങ്കാളികൾ തമ്മിലുള്ള ഈ തുറന്ന വ്യാപാര യുദ്ധം ആഗോള വിതരണ ശൃംഖലയെയും ബാധിച്ചേക്കാം. അമേരിക്കയോടുള്ള അമിത ആശ്രയത്വം കുറച്ച് മറ്റ് വികസിത രാജ്യങ്ങളുമായി പുതിയ വ്യാപാര ബന്ധങ്ങൾ സ്ഥാപിക്കാനും കാനഡ പദ്ധതിയിടുന്നു.

അമേരിക്കൻ വിപണിയിലേക്കുള്ള കയറ്റുമതിയിൽ തടസ്സങ്ങൾ ഉണ്ടായാലും ബദൽ വിപണികൾ കണ്ടെത്താൻ സാധിക്കുമെന്ന ആത്മവിശ്വാസത്തിലാണ് കാനഡ. കനേഡിയൻ കമ്പനികളുടെ താത്പര്യം സംരക്ഷിക്കുന്നതിന് മുൻഗണന നൽകുന്ന സമീപനമാണ് ഭരണകൂടം സ്വീകരിച്ചിരിക്കുന്നത്.

തൊഴിലാളികൾക്കും കർഷകർക്കും കുടുംബങ്ങൾക്കും സാമ്പത്തിക സുരക്ഷിതത്വം ഉറപ്പാക്കാൻ തങ്ങൾ പ്രതിജ്ഞാബദ്ധരാണെന്ന് പ്രധാനമന്ത്രി മാർക്ക് കാർണി ആവർത്തിച്ചു. വരും ദിവസങ്ങളിൽ കൂടുതൽ യുഎസ് ഉൽപ്പന്നങ്ങൾക്ക് മേൽ കൂടുതൽ നിയന്ത്രണങ്ങൾ വന്നേക്കാം.

വ്യാപാര കരാറുകളിൽ നിന്ന് അമേരിക്ക ഏകപക്ഷീയമായി പിന്മാറിയത് വിശ്വസനീയമായ പങ്കാളിത്തത്തിന് മങ്ങലേൽപ്പിച്ചതായി കാനഡ കുറ്റപ്പെടുത്തി. വിപണി സമ്മർദ്ദങ്ങൾക്ക് വഴങ്ങാതെ ശക്തമായി തിരിച്ചടിക്കാനുള്ള കാനഡയുടെ തീരുമാനം അന്താരാഷ്ട്ര തലത്തിൽ വലിയ ശ്രദ്ധ നേടിയിട്ടുണ്ട്.

വരുന്ന ആഴ്ചകളിൽ രണ്ട് രാജ്യങ്ങളും തമ്മിലുള്ള പരോക്ഷ സാമ്പത്തിക പ്രതിസന്ധി കൂടുതൽ രൂക്ഷമാകാനാണ് സാധ്യത. സ്വന്തം രാജ്യത്തെ തൊഴിലാളികളുടെയും വ്യവസായങ്ങളുടെയും താല്പര്യം സംരക്ഷിക്കുന്നതിൽ വിട്ടുവീഴ്ചയില്ലെന്ന് ഇരുനേതാക്കളും വ്യക്തമാക്കിയിട്ടുണ്ട്.

English Summary:

Canada announced retaliatory tariffs worth 20 billion USD on US goods matching dollar for dollar in response to new duties imposed by US President Donald Trump. Prime Minister Mark Carney unveiled support measures to protect Canadian workers and domestic industries after bilateral trade negotiations collapsed.

Tags:

Canada Trade War, Mark Carney, Donald Trump, US Canada Tariffs, World News, Canada News Malayalam, Malayalam News, News Malayalam, Latest Malayalam News, Vachakam News

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

വാട്സ്ആപ്പ്:ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്