പാലക്കാട്: കരിമ്പയിൽ 150 ഗ്രാം എംഡിഎംഎയുമായി യുവാവ് പിടിയിൽ. കോട്ടയം സ്വദേശി മനു എസ്. നായരാണ് പൊലീസിൻ്റെ പിടിയിലായത്. പൊലീസ് പിന്തുടരുന്നതിനിടെ പെട്രോൾ തീർന്നതോടെയാണ് ഇയാൾ കുരുക്കിലായത്.

പ്രതി മനുവിൻ്റെ കയ്യിൽ എംഡിഎംഎ ഉണ്ടെന്ന വിവരം നേരത്തെ തന്നെ പൊലീസിന് ലഭിച്ചിരുന്നു. ഇതിൻ്റെ അടിസ്ഥാനത്തിലാണ് പൊലീസ് ഇയാളെ പിടികൂടാൻ പദ്ധതിയിട്ടത്. വാളയാർ മുതൽ തന്നെ ഡാൻസാഫ് ടീം ഇയാളെ പിന്തുടർന്നിരുന്നു. പൊലീസ് പിന്തുടരുന്നത് മനസിലാക്കിയതോടെ ഇയാൾ അതിവേഗത്തിൽ കടന്ന് കളയാൻ ശ്രമിച്ചു.

എന്നാൽ കരിമ്പയിലെത്തിയതോടെയാണ് കഥ മാറിയത്. പെട്രോൾ തീർന്നതോടെ മനുവിന് ബൈക്ക് വഴിയകിൽ നിർത്തേണ്ടി വന്നു. ഇതോടെ പൊലീസെത്തി ഇയാളെ പിടികൂടുകയായിരുന്നു.

വാചകം ന്യൂസ് വാട്ട്സ് ആപ്പ് ഗ്രൂപ്പിൽ പങ്കാളിയാകുവാൻ ഇവിടെ ക്ലിക്ക് ചെയ്യുക .

ടെലിഗ്രാം :ചാനലിൽ അംഗമാകാൻ ഇവിടെ ക്ലിക്ക് ചെയ്യുക .

ഫേസ്ബുക് പേജ് ലൈക്ക് ചെയ്യാൻ ഈ ലിങ്കിൽ (https://www.facebook.com/vachakam/) ക്ലിക്ക് ചെയ്യുക.

യൂട്യൂബ് ചാനൽ:വാചകം ന്യൂസ്