കേരളത്തിൽ വീണ്ടും മഴ ശക്തമാകുന്നുവെന്ന് മുന്നറിയിപ്പ്; ജൂൺ 29ന് കാസർകോടിനും കണ്ണൂരിനും ഓറഞ്ച് അലർട്ട്

JUNE 25, 2026, 5:27 AM

തിരുവനന്തപുരം: സംസ്ഥാനത്ത് കാലവർഷം വീണ്ടും ശക്തമാകാൻ സാധ്യത. ജൂൺ 29ന് കാസർകോട്, കണ്ണൂർ ജില്ലകളിൽ ഓറഞ്ച് അലർട്ട് പ്രഖ്യാപിച്ചു. ശക്തമായ മഴയ്ക്കുള്ള സാധ്യത കണക്കിലെടുത്താണ് മുന്നറിയിപ്പ്.

മറ്റന്നാൾ മുതൽ സംസ്ഥാനത്ത് വീണ്ടും മഴ സജീവമാകുമെന്നാണ് കാലാവസ്ഥാ വകുപ്പിന്റെ മുന്നറിയിപ്പ്. എന്നാൽ ഇന്നും നാളെയും ഒരു ജില്ലയിലും പ്രത്യേക മഴമുന്നറിയിപ്പ് നൽകിയിട്ടില്ല.

ജൂൺ 27ന് മലപ്പുറം, കോഴിക്കോട്, വയനാട്, കണ്ണൂർ, കാസർകോട് ജില്ലകളിൽ യെല്ലോ അലർട്ട് പ്രഖ്യാപിച്ചിട്ടുണ്ട്.

ജൂൺ 28ന് പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, തൃശൂർ, പാലക്കാട്, മലപ്പുറം, കോഴിക്കോട്, വയനാട്, കണ്ണൂർ, കാസർകോട് ജില്ലകളിലും യെല്ലോ അലർട്ട് നിലവിലുണ്ടാകും.

സംസ്ഥാനത്തിന്റെ വടക്കൻ ജില്ലകളിലാണ് മഴ കൂടുതൽ ശക്തമാകാനുള്ള സാധ്യതയെന്ന് മുന്നറിയിപ്പിൽ വ്യക്തമാക്കുന്നു.