മൈക്രോ ഫിനാൻസ് തട്ടിപ്പ്: കുറ്റപത്രം സമർപ്പിക്കാൻ പ്രോസിക്യൂഷൻ അനുമതി വേണ്ടെന്ന് ഹൈക്കോടതി

NOVEMBER 5, 2026, 11:49 PM

കൊച്ചി: എസ്എൻഡിപി യോഗം ജനറൽ സെക്രട്ടറി വെള്ളാപ്പള്ളി നടേശൻ പ്രതിയായ മൈക്രോ ഫിനാൻസ് തട്ടിപ്പ് കേസിൽ കുറ്റപത്രം സമർപ്പിക്കാൻ പ്രോസിക്യൂഷൻ അനുമതി വേണ്ടെന്ന് ഹൈക്കോടതി.

2016ൽ വിഎസ് അച്യുതാനന്ദൻ നൽകിയ പരാതിയിലാണ് മൈക്രോ ഫിനാൻസ് ഇടപാടുമായി ബന്ധപ്പെട്ട വിജിലൻസ് അന്വേഷണം ആരംഭിച്ചത്. എന്നാൽ അന്വേഷണം ഏറെക്കാലം മന്ദഗതിയിലായിരുന്നു. ഈ കേസിലാണ് ഇപ്പോൾ ഹൈക്കോടതിയുടെ നിർണ്ണായകമായ ഉത്തരവ്,

അന്വേഷണ സംഘത്തിന് കുറ്റപത്രം സമർപ്പിക്കാമെന്നും സിംഗിൾ ബെഞ്ച് ഉത്തരവിട്ടു. വെള്ളാപ്പള്ളി നടേശൻ ഉൾപ്പടെയുള്ള പ്രതികളെ സർക്കാർ സംരക്ഷിക്കുന്നത് എന്തിനാണെന്ന് മുമ്പ് ഹൈക്കോടതി വിമർശനമുന്നയിച്ചിരുന്നു.